ਹੈਦਰਾਬਾਦ, 9 ਮਈ (ਏਜੰਸੀ)- ਪੁਲਿਸ ਨੇ ਬਾਚੁਪੱਲੀ ‘ਚ ਇਕ ਨਿਰਮਾਣ ਅਧੀਨ ਜਗ੍ਹਾ ‘ਤੇ ਮੰਗਲਵਾਰ ਨੂੰ ਕੰਧ ਡਿੱਗਣ ਦੇ ਮਾਮਲੇ ‘ਚ 6 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ, ਜਿਸ ਵਿਚ ਸੱਤ ਲੋਕਾਂ ਦੀ ਮੌਤ ਹੋ ਗਈ ਸੀ।
ਸਾਈਬਰਾਬਾਦ ਪੁਲਿਸ ਨੇ ਬਿਲਡਰ ਅਰਵਿੰਦ ਰੈਡੀ, ਸਾਈਟ ਇੰਜੀਨੀਅਰ ਸਤੀਸ਼, ਪ੍ਰੋਜੈਕਟ ਮੈਨੇਜਰ ਫਰਾਂਸਿਸ, ਠੇਕੇਦਾਰ ਰਾਜੇਸ਼ ਅਤੇ ਦੋ ਹੋਰਾਂ ਨੂੰ ਲਾਪਰਵਾਹੀ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਹੈ।
ਪੁਲਿਸ ਨੇ ਭਾਰਤੀ ਦੰਡਾਵਲੀ ਦੀ ਧਾਰਾ 304-2 (ਲਾਪਰਵਾਹੀ ਨਾਲ ਮੌਤ ਦਾ ਕਾਰਨ ਬਣਨਾ) ਦੇ ਤਹਿਤ ਮਾਮਲਾ ਦਰਜ ਕੀਤਾ ਹੈ।
ਭਾਰੀ ਮੀਂਹ ਤੋਂ ਬਾਅਦ ਮੰਗਲਵਾਰ ਸ਼ਾਮ ਨੂੰ ਇੱਕ ਨਿਰਮਾਣ ਅਧੀਨ ਅਪਾਰਟਮੈਂਟ ਕੰਪਲੈਕਸ ਦੀ ਰਿਟੇਨਿੰਗ ਦੀਵਾਰ ਡਿੱਗਣ ਨਾਲ ਛੇ ਮਜ਼ਦੂਰਾਂ ਅਤੇ ਇੱਕ ਚਾਰ ਸਾਲਾ ਲੜਕੇ ਦੀ ਮੌਤ ਹੋ ਗਈ।
ਇਹ ਘਟਨਾ ਮੇਡਚਲ ਮਲਕਾਜਗਿਰੀ ਜ਼ਿਲ੍ਹੇ ਦੇ ਬਾਚੁਪੱਲੀ ਦੀ ਰੇਣੁਕਾ ਯੇਲੰਮਾ ਮੰਦਿਰ ਕਾਲੋਨੀ ਦੀ ਹੈ।
ਪੁਲਿਸ ਦੇ ਅਨੁਸਾਰ, ਇੱਕ 30 ਤੋਂ 40 ਫੁੱਟ ਉੱਚੀ ਕੰਧ ਡਿੱਗ ਗਈ, ਜਿਸ ਨਾਲ ਓਡੀਸ਼ਾ ਅਤੇ ਛੱਤੀਸਗੜ੍ਹ ਦੇ ਪ੍ਰਵਾਸੀ ਨਿਰਮਾਣ ਮਜ਼ਦੂਰਾਂ ਦੀ ਮੌਤ ਹੋ ਗਈ।
ਕੰਪਾਉਂਡ ਦੀਵਾਰ ਨੂੰ ਸਹਾਰਾ ਦੇਣ ਵਾਲਾ ਛੇ ਫੁੱਟ ਚੌੜਾ ਚਿੱਕੜ ਵਾਲਾ ਬੈਰੀਅਰ ਭਾਰੀ ਮੀਂਹ ਤੋਂ ਬਾਅਦ ਟੁੱਟ ਗਿਆ ਜਿਸ ਕਾਰਨ ਇਹ ਕੰਧ ਅਸਥਾਈ ਸ਼ੈੱਡਾਂ ਦੇ ਉੱਪਰ ਡਿੱਗ ਗਈ।
ਰਾਤ ਭਰ ਦੇ ਬਚਾਅ ਤੋਂ ਬਾਅਦ