ਰਾਜਸਥਾਨ ਦੇ ਬਾਡਮੇਰ ਸ਼ਹਿਰ ਦੇ ਮਹਾਵੀਰ ਨਗਰ ਦੀ ਰਹਿਣ ਵਾਲੀ ਲੜਕੀ ਦਾ ਵਿਆਹ ਕਰੀਬ 12 ਸਾਲ ਪਹਿਲਾਂ ਜੋਧਪੁਰ ‘ਚ ਹੋਇਆ ਸੀ।
ਸਾਲ 2014 ‘ਚ ਉਸ ਦਾ ਪਤੀ ਕੰਮ ਦੇ ਸਿਲਸਿਲੇ ‘ਚ ਰੂਸ ਗਿਆ ਸੀ। ਜਿਸ ਤੋਂ ਬਾਅਦ ਉਸ ਦੇ ਪਤੀ ਨੇ ਰੂਸ ਦੇ ਮਾਸਕੋ ‘ਚ ਦੂਜਾ ਵਿਆਹ ਕਰਵਾ ਲਿਆ। ਜਦੋਂ ਭਾਰਤੀ ਪਤਨੀ ਨੂੰ ਆਪਣੇ ਪਤੀ ਦੇ ਦੂਜੇ ਵਿਆਹ ਬਾਰੇ ਪਤਾ ਲੱਗਾ ਤਾਂ ਉਸ ਨੇ ਬਾਡਮੇਰ ਦੇ ਮਹਿਲਾ ਥਾਣੇ ‘ਚ ਪਤੀ ਖਿਲਾਫ ਮਾਮਲਾ ਦਰਜ ਕਰਵਾਇਆ ਹੈ। ਭਾਰਤ-ਪਾਕਿ ਸਰਹੱਦ ਨਾਲ ਲੱਗਦੇ ਬਾਡਮੇਰ ਜ਼ਿਲ੍ਹੇ ਦੀ ਇੱਕ ਵਿਆਹੁਤਾ ਔਰਤ ਨੇ ਆਪਣੇ ਪਤੀ ਖ਼ਿਲਾਫ਼ ਵਿਦੇਸ਼ ਵਿੱਚ ਦੂਜਾ ਵਿਆਹ ਕਰਨ ਦਾ ਕੇਸ ਦਰਜ ਕਰਵਾਇਆ ਹੈ। ਵਿਆਹੁਤਾ ਔਰਤ ਨੇ 10 ਸਾਲ ਦੇ ਬੇਟੇ ਸਮੇਤ ਪੁਲਿਸ ਸੁਪਰਡੈਂਟ ਨੂੰ ਮੰਗ ਪੱਤਰ ਸੌਂਪ ਕੇ ਆਪਣੇ ਪਤੀ ਨੂੰ ਵਿਦੇਸ਼ ਤੋਂ ਬੁਲਾਉਣ ਦੀ ਮੰਗ ਕੀਤੀ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਬਾਡਮੇਰ ਦੀ ਰਹਿਣ ਵਾਲੀ ਇੱਕ ਵਿਆਹੁਤਾ ਔਰਤ ਦਾ ਵਿਆਹ 12 ਸਾਲ ਪਹਿਲਾਂ ਭਗਵਾਨਦਾਸ ਵਾਸੀ ਜੋਧਪੁਰ ਨਾਲ ਹੋਇਆ ਸੀ, ਜੋ ਉਸ ਸਮੇਂ ਜੋਧਪੁਰ ਵਿੱਚ ਪ੍ਰਾਈਵੇਟ ਨੌਕਰੀ ਕਰਦਾ ਸੀ। ਸਾਲ 2014 ਵਿੱਚ ਉਸਦਾ ਪਤੀ ਰੂਸ ਗਿਆ ਸੀ।
ਪੀੜਤਾ ਅਨੁਸਾਰ 3-4 ਸਾਲਾਂ ਤੋਂ ਉਸ ਦੀ ਆਪਣੇ ਪਤੀ ਨਾਲ ਆਮ ਗੱਲਬਾਤ ਸੀ। ਇਸ ਦੌਰਾਨ ਸਹੁਰੇ ਵਾਲੇ ਉਸ ਨੂੰ ਸਰੀਰਕ ਅਤੇ ਮਾਨਸਿਕ ਤੌਰ ‘ਤੇ ਪ੍ਰੇਸ਼ਾਨ ਕਰਦੇ ਰਹੇ। ਜਦੋਂ ਉਸ ਨੇ ਆਪਣੇ ਪਤੀ ਨੂੰ ਸਹੁਰਿਆਂ ਵੱਲੋਂ ਤੰਗ ਪ੍ਰੇਸ਼ਾਨ ਕਰਨ ਬਾਰੇ ਦੱਸਿਆ ਤਾਂ ਉਸ ਨੇ ਉਸ ਨੂੰ ਭਾਰਤ ਆ ਕੇ ਸਭ ਕੁਝ ਠੀਕ ਕਰਨ ਲਈ ਕਿਹਾ। ਪੀੜਤਾ ਅਨੁਸਾਰ ਜਦੋਂ ਉਸ ਦਾ ਪਤੀ ਸਾਲ 2019 ‘ਚ ਭਾਰਤ ਆਇਆ ਤਾਂ ਪਤੀ-ਪਤਨੀ ਵਿਚਾਲੇ ਹੋਏ ਝਗੜੇ ਦੌਰਾਨ ਪਤੀ ਨੇ ਗੁੱਸੇ ‘ਚ ਆ ਕੇ ਕਿਹਾ ਕਿ ਉਸ ਨੇ ਮਾਸਕੋ ‘ਚ ਦੁਬਾਰਾ ਵਿਆਹ ਕੀਤਾ ਹੈ ਅਤੇ ਉਸ ਦੇ ਦੋ ਬੱਚੇ ਹਨ। ਜਿਸ ਤੋਂ ਬਾਅਦ ਪਤੀ ਵਾਪਸ ਰੂਸ ਚਲਾ ਗਿਆ। ਇਸ ਸਾਰੀ ਘਟਨਾ ਦੇ ਬਾਅਦ ਤੋਂ ਹੀ ਵਿਆਹੁਤਾ ਔਰਤ ਆਪਣੇ 10 ਸਾਲ ਦੇ ਬੇਟੇ ਨਾਲ ਆਪਣੇ ਪੀਹਰ ‘ਚ ਰਹਿ ਰਹੀ ਹੈ ਅਤੇ ਆਪਣੇ ਬੱਚੇ ਦੇ ਭਵਿੱਖ ਲਈ ਥਾਣੇ ਅਤੇ ਐੱਸਪੀ ਦਫਤਰ ਦੇ ਗੇੜੇ ਮਾਰ ਰਹੀ ਹੈ।
ਭਾਰਤ ਪਰਤਣ ਦੀ ਉਡੀਕ ਕਰ ਰਹੀ
ਸਾਰੀ ਘਟਨਾ ਬਾਰੇ ਜ਼ਿਲ੍ਹਾ ਪੁਲਿਸ ਮੁਖੀ ਦੀਪਕ ਭਾਰਗਵ ਦਾ ਕਹਿਣਾ ਹੈ ਕਿ ਪੀੜਤਾ ਦੀ ਰਿਪੋਰਟ ‘ਤੇ ਮਹਿਲਾ ਥਾਣੇ ‘ਚ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਜਦੋਂ ਤੱਕ ਵਿਆਹੁਤਾ ਔਰਤ ਦਾ ਪਤੀ ਭਾਰਤ ਨਹੀਂ ਪਰਤਦਾ, ਪੁਲਿਸ ਉਸ ਵਿਰੁੱਧ ਕਾਰਵਾਈ ਨਹੀਂ ਕਰ ਸਕਦੀ, ਪਰ ਪੁਲਿਸ ਦੋਸ਼ੀ ਪਤੀ ਨੂੰ ਐਲਓਸੀ ਜਾਰੀ ਕਰਵਾ ਕੇ ਨਿਯਮਾਂ ਅਨੁਸਾਰ ਕਾਰਵਾਈ ਕਰੇਗੀ।
ਫਿਲਹਾਲ ਪੀੜਤਾ ਦੀ ਰਿਪੋਰਟ ‘ਤੇ ਬਾਡਮੇਰ ਪੁਲਿਸ ਨੇ ਐੱਨ.ਆਰ.ਆਈ ਪਤੀ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਪੁਲਿਸ ਨੇ ਪਰਵਾਸੀ ਭਾਰਤੀ ਪਤੀ ਨਾਲ ਸਬੰਧਤ ਦਸਤਾਵੇਜ਼ਾਂ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਹਿੰਦੂ ਮੈਰਿਜ ਐਕਟ ਤਹਿਤ ਜੇਕਰ ਕੋਈ ਪਤੀ ਜਾਂ ਪਤਨੀ ਆਪਣੇ ਜੀਵਨ ਸਾਥੀ ਨੂੰ ਛੱਡਣਾ ਚਾਹੁੰਦਾ ਹੈ ਤਾਂ ਉਸ ਨੂੰ ਤਲਾਕ ਲੈਣਾ ਪੈਂਦਾ ਹੈ ਪਰ ਭਗਵਾਨਦਾਸ ਨਾਮ ਦੇ ਇੱਕ ਐਨਆਰਆਈ ਪਤੀ ਨੇ ਆਪਣੀ ਪਤਨੀ ਨੂੰ ਧੋਖਾ ਦੇ ਕੇ ਬਿਨਾਂ ਤਲਾਕ ਲਏ ਰੂਸ ਦੇ ਸ਼ਹਿਰ ਮਾਸਕੋ ਵਿੱਚ ਵਿਆਹ ਕਰਵਾ ਲਿਆ ਹੈ। ਅਜਿਹੇ ‘ਚ ਹੁਣ ਬਾਡਮੇਰ ਪੁਲਿਸ ਨੇ ਮੁਲਜ਼ਮ ਪਤੀ ਨੂੰ ਭਾਰਤ ਲਿਆਉਣ ਦੀ ਕੋਸ਼ਿਸ਼ ਸ਼ੁਰੂ ਕਰ ਦਿੱਤੀ ਹੈ