ਸੁਰਖੀਆਂ ‘ਚ ਹੈ ਸ਼ਾਹਿਦ ਕਪੂਰ ਦੀ ਨਵੀਂ ਲਗਜ਼ਰੀ ਕਾਰ

ਸੁਰਖੀਆਂ ‘ਚ ਹੈ ਸ਼ਾਹਿਦ ਕਪੂਰ ਦੀ ਨਵੀਂ ਲਗਜ਼ਰੀ ਕਾਰ

ਸ਼ਾਹਿਦ ਕਪੂਰ ਇਸ ਸਮੇਂ ਆਪਣੀ ਅਗਲੀ ਫਿਲਮ ‘ਜਰਸੀ’ ਦੀ ਰਿਲੀਜ਼ ਦਾ ਇੰਤਜ਼ਾਰ ਕਰ ਰਹੇ ਹਨ।

ਅਦਾਕਾਰ ਨੇ ਆਪਣੀ ਨਵੀਂ ਕਾਰ ਨੂੰ ਦਿਖਾਉਂਦੇ ਹੋਏ ਇੱਕ ਵੀਡੀਓ ਸਾਂਝਾ ਕੀਤਾ। ਸ਼ਾਹਿਦ ਨੇ ਇਸ ਮਹੀਨੇ ਦੀ ਸ਼ੁਰੂਆਤ ‘ਚ ਇਕ ਨਵੀਂ ਲਗਜ਼ਰੀ ਕਾਰ ਖਰੀਦੀ ਹੈ। ਵੀਡੀਓ ਦੇ ਬੈਕਗ੍ਰਾਊਂਡ ਵਿੱਚ ਉਸਨੇ ਐਚਡੀਬਿਨਡੋਪ ਦਾ ਗੀਤ ਚਲਾਇਆ ਹੈ। ਇਸ ਵੀਡੀਓ ਵਿੱਚ ਪ੍ਰਸ਼ੰਸ਼ਕਾਂ ਨੂੰ ਸ਼ਾਹਿਦ ਦਾ ਅੰਦਾਜ਼ ਬੇਹੱਦ ਪਸੰਦ ਆਇਆ।

ਇੰਸਟਾਗ੍ਰਾਮ ਰੀਲ ‘ਚ ਸ਼ਾਹਿਦ ਨੂੰ ਪਹਿਲਾ ਜ਼ਮੀਨ ‘ਤੇ ਖੜ੍ਹੇ ਦੇਖਿਆ ਜਾ ਸਕਦਾ ਹੈ ਅਤੇ ਫਿਰ ਅਗਲੇ ਹੀ ਪਲ ਉਹ ਕਾਰ ਦੀ ਡਰਾਈਵਿੰਗ ਸੀਟ ‘ਤੇ ਬੈਠੇ ਨਜ਼ਰ ਆਉਂਦੇ ਹਨ। ਉਹ ਕਾਰ ਦਾ ਦਰਵਾਜ਼ਾ ਬੰਦ ਕਰਕੇ ਅੱਗੇ ਵਧਦੇ ਹਨ। ਬਾਦਸ਼ਾਹ ਨੇ ਕਾਰ ਦੇ ਨਾਮ ਦਾ ਸਹੀ ਅੰਦਾਜ਼ਾ ਲਗਾਇਆ ਅਤੇ ਟਿੱਪਣੀ ਕੀਤੀ, ‘ਅਪ੍ਰੈਲ ਵਿੱਚ ਮੇਬੈਚ।

ਵੀਡੀਓ ‘ਤੇ ਇਕ ਪ੍ਰਸ਼ੰਸਕ ਨੇ ਟਿੱਪਣੀ ਕੀਤੀ, ‘ਮੇਬੈਚ ਹੁਣ ਤੱਕ ਦੀ ਸਭ ਤੋਂ ਵਧੀਆ ਕਾਰ ਹੈ।’ ਇਕ ਹੋਰ ਪ੍ਰਸ਼ੰਸਕ ਨੇ ਕਿਹਾ, ‘ਮੈਨੂੰ ਤੁਹਾਡਾ ਡਰੇਕ ਸਟਾਈਲ ਬਹੁਤ ਪਸੰਦ ਹੈ।’ ਕਈ ਪ੍ਰਸ਼ੰਸਕਾਂ ਨੇ ਇਸ ਨੂੰ ਸਾਂਝਾ ਕੀਤਾ ਹੈ। ਕਮੈਂਟ ਬਾਕਸ ਵਿੱਚ ਅੱਗ ਅਤੇ ਦਿਲ ਦੇ ਇਮੋਜੀ ਹਨ।

ਮੀਡੀਆ ਰਿਪੋਰਟਾਂ ਮੁਤਾਬਕ ਮਰਸਡੀਜ ‘ਮੇਬੈਚ ਐਸ 580’ ਦੀ ਭਾਰਤ ‘ਚ ਐਕਸ-ਸ਼ੋਰੂਮ ਕੀਮਤ 2.79 ਕਰੋੜ ਰੁਪਏ ਹੈ ਅਤੇ ਕਾਰ ਦੀ ਆਨ-ਰੋਡ ਕੀਮਤ 3 ਕਰੋੜ ਰੁਪਏ ਤੱਕ ਜਾਂਦੀ ਹੈ। ਇਸ ਤੋਂ ਇਲਾਵਾ ਸ਼ਾਹਿਦ ਕੋਲ ਕਈ ਕਾਰਾਂ ਹਨ। ਜੀ ਕੇਊ ਇੰਡੀਆ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਸ਼ਾਹਿਦ ਕੋਲ ਇੱਕ ਜੇਗੁਆਰ ਐਕਸਕੇਆਰ- ਐੱਸ, ਰੇਂਜਰੋਵਰ, ਮਰਸਡੀਜ ਏ.ਐਮ.ਜੀ ਐਸ 400 ਵੀ ਹੈ।

ਸ਼ਾਹਿਦ ਆਖਰੀ ਵਾਰ ਕਿਆਰਾ ਅਡਵਾਨੀ ਦੇ ਨਾਲ ਫਿਲਮ ‘ਕਬੀਰ ਸਿੰਘ’ ‘ਚ ਨਜ਼ਰ ਆਏ ਸਨ। ਇਹ ਫਿਲਮ ਬਾਕਸ ਆਫਿਸ ‘ਤੇ ਸੁਪਰਹਿੱਟ ਰਹੀ ਅਤੇ 2019 ਦੀ ਤੀਜੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਬਾਲੀਵੁੱਡ ਫਿਲਮ ਬਣ ਗਈ। ਇਸ ਤੋਂ ਬਾਅਦ ਉਹ ਮ੍ਰਿਣਾਲ ਠਾਕੁਰ ਦੇ ਨਾਲ ‘ਜਰਸੀ’ ‘ਚ ਨਜ਼ਰ ਆਉਣਗੇ। ਇਹ ਫਿਲਮ ਸਾਲ 2019 ‘ਚ ਰਿਲੀਜ਼ ਹੋਈ ਤੇਲਗੂ ਫਿਲਮ ਦਾ ਰੀਮੇਕ ਹੈ। ਸ਼ਾਹਿਦ ਕੋਲ ਅਲੀ ਅੱਬਾਸ ਜ਼ਫਰ ਦੁਆਰਾ ਨਿਰਦੇਸ਼ਿਤ ”ਬਲੱਡੀ ਡੈਡੀ” ਵੀ ਹੈ। ਇਨ੍ਹਾਂ ਫਿਲਮਾਂ ਨਾਲ ਸ਼ਾਹਿਦ ਇੱਕ ਵਾਰ ਫਿਰ ਤੋਂ ਦਰਸ਼ਕਾਂ ਦਾ ਦਿਲ ਜਿੱਤ ਦੇ ਹੋਏ ਨਜ਼ਰ ਆਉਣਗੇ।

Leave a Reply

Your email address will not be published.