ਵਿਵਾਦਾਂ ’ਚ ਫ਼ਿਲਮ ‘ਆਰ. ਆਰ. ਆਰ, ਬਾਈਕਾਟ ਦੀ ਮੰਗ

ਮੁੰਬਈ : ਡਾਇਰੈਕਟਰ ਐੱਸ. ਐੱਸ. ਰਾਜਾਮੌਲੀ ਦੀ ਮੈਗਮ ਓਪਸ ਫ਼ਿਲਮ ‘ਆਰ. ਆਰ. ਆਰ.’ ਵਿਵਾਦਾਂ ਦਾ ਸਾਹਮਣਾ ਕਰ ਰਹੀ ਹੈ. ਟਵਿਟਰ ’ਤੇ #ਬਾਈਕਾਟ ਆਰਆਰਆਰ ਇਨ ਕਰਨਾਟਕਾ ਟਰੈਂਡ ਕਰ ਰਿਹਾ ਹੈ।

 ਫ਼ਿਲਮ ਨੂੰ ਕੰਨੜ ਭਾਸ਼ਾ ’ਚ ਰਿਲੀਜ਼ ਨਾ ਕੀਤੇ ਜਾਣ ਦੇ ਚਲਦਿਆਂ ਲੋਕ ਰੋਸ ਜਤਾ ਰਹੇ ਹਨ। ਕਰਨਾਟਕ ਦੇ ਲੋਕਾਂ ਦੀ ਮੰਗ ਹੈ ਕਿ ‘ਆਰ. ਆਰ. ਆਰ.’ ਨੂੰ ਕੰਨੜ ਭਾਸ਼ਾ ’ਚ ਵੀ ਰਿਲੀਜ਼ ਕੀਤਾ ਜਾਵੇ। ਟਵਿਟਰ ’ਤੇ ਇਸ ਹੈਸ਼ਟੈਗ ਦਾ ਹੜ੍ਹ ਆ ਗਿਆ ਹੈ। ਕਿਸੇ ਨੇ ਨਾਰਾਜ਼ਗੀ ਜਤਾਉਂਦਿਆਂ ‘ਆਰ. ਆਰ. ਆਰ.’ ਨੂੰ ਕੰਨੜ ’ਚ ਰਿਲੀਜ਼ ਕਰਨ ਦੀ ਮੰਗ ਕੀਤੀ ਹੈ ਤਾਂ ਕੋਈ ਫ਼ਿਲਮ ਦੀ ਟੀਮ ਤੇ ਕਾਸਟ ਨੂੰ ਇਸ ਦਾ ਦੋਸ਼ ਨਾ ਦੇਣ ਦੀ ਸਫਾਈ ਦੇ ਰਿਹਾ ਹੈ।

 ਇਕ ਯੂਜ਼ਰ ਨੇ ਲਿਖਿਆ, ‘ਅਸੀਂ ਫ਼ਿਲਮ ਨੂੰ ਟੈਲੀਗ੍ਰਾਮ ’ਤੇ ਨਹੀਂ ਦੇਖਦੇ ਹਾਂ, ਇਹ ਤੇਲਗੂ ਸੂਬਾ ਨਹੀਂ ਹੈ, ਇਹ ਕਰਨਾਟਕ ਹੈ। ਇੱਜ਼ਤ ਿਬਜ਼ਨੈੱਸ ਤੋਂ ਜ਼ਿਆਦਾ ਮਾਇਨੇ ਰੱਖਦੀ ਹੈ।’ ਇਕ ਨੇ ਲਿਖਿਆ, ‘ਵਾਅਦਾ ਤੋੜ ਦਿੱਤਾ।’ ਇਕ ਹੋਰ ਨੇ ਲਿਖਿਆ, ‘ਕੰਨੜ ਦੇ ਲੋਕਾਂ ਦੀ ਇਹ ਬੇਇੱਜ਼ਤੀ ਹੈ, ਇਹ ਸਮਾਂ ਫ਼ਿਲਮ ਨੂੰ ਕਰਨਾਟਕ ’ਚ ਬੈਨ ਕਰਦਾ ਹੈ, ਜੇਕਰ ਇਹ ਕੰਨੜ ’ਚ ਰਿਲੀਜ਼ ਹੋਵੇਗਾ, ਉਦੋਂ ਹੀ ਅਸੀਂ ਇਸ ਦਾ ਸੁਆਗਤ ਕਰਾਂਗੇ।

Leave a Reply

Your email address will not be published. Required fields are marked *