ਡਾਕਟਰਾਂ ਨੂੰ ਲੋਕ ਭਗਵਾਨ ਦੇ ਰੂਪ ‘ਚ ਦੇਖਦੇ ਹਨ ਪਰ ਅਮਰੀਕਾ ‘ਚ ਇਕ ਡਾਕਟਰ ਨੇ ਜਾਣਬੁੱਝ ਕੇ ਆਪਣੇ ਮਰੀਜ਼ਾਂ ਦੇ ਦੰਦ ਤੋੜ ਕੇ ਉਨ੍ਹਾਂ ਨੁੰ ਠੀਕ ਕਰਨ ਲਈ ਕ੍ਰਾਊਨ ਫਿੱਟ ਕੀਤੇ ਅਤੇ ਮੁਨਾਫ਼ਾ ਕਮਾਇਆ।
ਉਸ ਡਾਕਟਰ ਨੇ ਇਸ ਸਕੈਮ ਜ਼ਰੀਏ ਲੱਖਾਂ ਡਾਲਰ ਕਮਾਏ। ਹੁਣ ਇਸ ਡੈਂਟਿਸਟ ਨੂੰ ਮਰੀਜ਼ ਦੀ ਸਿਹਤ ਦੇ ਨਾਲ ਖਿਲਵਾੜ ਕਰਨ ਦੇ ਦੋਸ਼ ‘ਚ ਦੋਸ਼ੀ ਠਹਿਰਾਇਆ ਗਿਆ ਹੈ।
ਪੈਸੇ ਕਮਾਉਣ ਲਈ ਡਾਕਟਰ ਤੋੜ ਦਿੰਦਾ ਸੀ ਦੰਦ
ਸੰਯੁਕਤ ਰਾਜ ਅਮਰੀਕਾ ਦੇ ਵਿਸਕਾਂਸਿਨ ਦੇ ਸਕਾਟ ਚਾਰਮੋਲੀ ਨੇ ਨਿਯਮਤ ਰੂਪ ‘ਚ ਆਪਣੇ ਗਾਹਕਾਂ ਦੇ ਦੰਦਾਂ ਨੂੰ ਜਾਣਬੁੱਝ ਕੇ ਡ੍ਰਿਲ ਕੀਤਾ। ਇਹੀ ਨਹੀਂ ਦੰਦਾਂ ‘ਚ ਹੋਈ ਨੁਕਸਾਨ ਨੂੰ ਠੀਕ ਕਰਨ ਲਈ ਵਾਧੂ ਇਲਾਜ ਸੇਵਾਵਾਂ ਲਈ ਫੀਸ ਚਾਰਜ ਕੀਤੀ। ਵਿਸਕਾਂਸਿਨ ‘ਚ ਆਮਤੌਰ ‘ਤੇ ਡੇਂਟਿਸਟ ਪ੍ਰਤੀ 100 ਮਰੀਜ਼ਾਂ ‘ਚ 6 ਨੂੰ ਕ੍ਰਾਊਨ ਫਿੱਟ ਕਰਦੇ ਹਨ। ਪਰ ਸਕਾਟ ਨੇ ਪ੍ਰਤੀ 100 ਮਰੀਜ਼ਾਂ ‘ਚ 32 ਨੂੰ ਕ੍ਰਾਊਨ ਫਿੱਟ ਕੀਤੇ। ਡੈਂਟਿਸਟ ਨੇ ਇਲਾਕੇ ਦੇ ਹੋਰ ਡੈਂਟਿਸਟਾਂ ਦੇ ਮੁਕਾਬਲੇ ਮਰੀਜ਼ਾਂ ਦੇ ਦੰਦਾਂ ‘ਚ 95% ਤੋਂ ਜ਼ਿਆਦਾ ਕੈਪ (ਕ੍ਰਾਊਨ) ਲਗਾਏ।
ਪੈਸਾ ਬਣਾਉਣ ਲਈ ਤੋੜੇ ਮਰੀਜ਼ ਦੇ ਦੰਦ
ਇਸ ਮਾਮਲੇ ‘ਚ ਦੋਸ਼ੀ ਪਾਏ ਗਏ ਚਾਰਮੋਲੀ ‘ਤੇ ਇਸਤਗਾਸਾ ਪੱਖ ਨੇ ਕਈ ਗੰਭੀਰ ਦੋਸ਼ ਲਗਾਏ ਹਨ। ਇਸਤਗਾਸਾ ਨੇ ਕਿਹਾ ਕਿ ਚਾਰਮੋਲੀ ਨੇ ਆਪਣੇ ਰੋਗੀਆਂ ‘ਤੇ ਗ਼ੈਰ-ਜ਼ਰੂਰੀ ਤੌਰ ‘ਤੇ ਕ੍ਰਾਊਨ ਫਿੱਟ ਕਰਨ ਲਈ ਦਬਾਅ ਬਣਾਇਆ ਸੀ। ਦਰਅਸਲ ਕ੍ਰਾਊਨ ਇਕ ਦੰਦ ਪ੍ਰਕਿਰਿਆ ਹੈ ਜਿਸ ਵਿਚ ਨੁਕਸਾਨੇ ਦੰਦ ‘ਤੇ ਦੰਦ ਦੇ ਅਕਾਰ ਦੀ ਟੋਪੀ ਲਗਾਈ ਜਾਂਦੀ ਹੈ। ਇਸਤਗਾਸਾ ਨੇ ਕਿਹਾ ਕਿ ਸਟਾਕ ਪਹਿਲਾਂ ਦੰਦਾਂ ਨੂੰ ਡ੍ਰਿਲ ਕਰਦਾ ਸੀ। ਫਿਰ ਦੰਦ ਦਾ ਐਕਸ-ਰੇ ਕਰ ਉਸ ਦੀਆਂ ਤਸਵੀਰਾਂ ਮਰੀਜ਼ਾਂ ਨੂੰ ਦਿਖਾਉਂਦਾ ਸੀ ਜਿਸ ਤੋਂ ਇਹ ਸਾਬਿਤ ਹੁੰਦਾ ਸੀ ਕਿ ਉਨ੍ਹਾਂ ਨੂੰ ਕ੍ਰਾਊਨ ਲਗਵਾਉਣ ਦੀ ਜ਼ਰੂਰਤ ਹੈ।