ਮੁੰਬਈ : ਬਾਲੀਵੁੱਡ ਅਦਾਕਾਰਾ ਸੋਨਾਕਸ਼ੀ ਸਿਨਹਾ ਅਤੇ ‘ਨੋਟਬੁੱਕ’ ਅਦਾਕਾਰ ਜ਼ਹੀਰ ਇਕਬਾਲ ਲੰਬੇ ਸਮੇਂ ਤੋਂ ਆਪਣੇ ਰਿਸ਼ਤੇ ਨੂੰ ਲੈ ਕੇ ਸੁਰਖੀਆਂ ‘ਚ ਹਨ।
ਦੋਵਾਂ ਦੀ ਡੇਟਿੰਗ ਦੀਆਂ ਖਬਰਾਂ ਆਏ ਦਿਨ ਚਰਚਾ ‘ਚ ਰਹਿੰਦੀਆਂ ਹਨ। ਸੋਨਾਕਸ਼ੀ ਅਤੇ ਜ਼ਹੀਰ ਨੇ ਕਦੇ ਵੀ ਰਿਸ਼ਤੇ ਦੀਆਂ ਖਬਰਾਂ ‘ਤੇ ਖੁੱਲ੍ਹ ਕੇ ਗੱਲ ਨਹੀਂ ਕੀਤੀ।ਰ ਹੁਣ ਅਦਾਕਾਰ ਨੇ ਆਪਣੀ ਨਵੀਂ ਪੋਸਟ ਵਿੱਚ ਸੋਨਾਕਸ਼ੀ ਲਈ ਆਪਣੇ ਪਿਆਰ ਦਾ ਇਜ਼ਹਾਰ ਕਰਦਿਆਂ ਅਦਾਕਾਰਾ ਨਾਲ ਰਿਸ਼ਤੇ ਵਿੱਚ ਹੋਣ ਦਾ ਸੰਕੇਤ ਦਿੱਤਾ ਹੈ। 2 ਜੂਨ ਨੂੰ ਸੋਨਾਕਸ਼ੀ ਸਿਨਹਾ ਦਾ ਜਨਮਦਿਨ ਸੀ। ਅਜਿਹੇ ‘ਚ ਜ਼ਹੀਰ ਇਕਬਾਲ ਕਿਵੇਂ ਪਿੱਛੇ ਰਹਿ ਸਕਦਾ ਹੈ। ਇੱਕ ਸੱਜਣ ਵਾਂਗ ਜ਼ਹੀਰ ਨੇ ਸੋਨਾਕਸ਼ੀ ਲਈ ਜਨਮਦਿਨ ਦੀ ਖਾਸ ਪੋਸਟ ਸ਼ੇਅਰ ਕੀਤੀ ਹੈ। ਜ਼ਹੀਰ ਨੇ ਪੋਸਟ ਥੋੜੀ ਦੇਰੀ ਨਾਲ ਲਿਖੀ ਹੈ, ਪਰ ਵਿਸ਼ਵਾਸ ਕਰੋ, ਜ਼ਹੀਰ ਦਾ ਪਿਆਰ ਭਰਿਆ ਕੈਪਸ਼ਨ ਨਿਸ਼ਚਿਤ ਤੌਰ ‘ਤੇ ਅਦਾਕਾਰਾ ਦੇ ਚਿਹਰੇ ‘ਤੇ ਮੁਸਕਰਾਹਟ ਲਿਆਵੇਗਾ। ਜ਼ਹੀਰ ਇਕਬਾਲ ਨੇ ਕੁਝ ਘੰਟੇ ਪਹਿਲਾਂ ਸੋਨਾਕਸ਼ੀ ਨਾਲ ਮਸਤੀ ਕਰਦੇ ਹੋਏ ਆਪਣਾ ਫਨੀ ਵੀਡੀਓ ਸ਼ੇਅਰ ਕੀਤਾ ਹੈ। ਵੀਡੀਓ ਜਹਾਜ਼ ਵਿੱਚ ਸ਼ੂਟ ਕੀਤਾ ਗਿਆ ਹੈ। ਸੋਨਾਕਸ਼ੀ ਆਪਣੇ ਬਰਗਰ ਦਾ ਮਜ਼ਾ ਲੈਂਦੀ ਨਜ਼ਰ ਆ ਰਹੀ ਹੈ।ਪਰ ਜ਼ਹੀਰ ਉਸ ਨੂੰ ਕਿਸੇ ਗੱਲ ‘ਤੇ ਹਸਾ ਰਿਹਾ ਹੈ। ਦੋਵਾਂ ਦੀ ਵੀਡੀਓ ਦੇਖ ਕੇ ਤੁਸੀਂ ਦੋਵਾਂ ਦੀ ਕੈਮਿਸਟਰੀ ਅਤੇ ਮਜ਼ਬੂਤ ਬਾਂਡਿੰਗ ਦਾ ਅੰਦਾਜ਼ਾ ਲਗਾ ਸਕਦੇ ਹੋ। ਸੋਨਾਕਸ਼ੀ ਦਾ ਮਨਮੋਹਕ ਵੀਡੀਓ ਸ਼ੇਅਰ ਕਰਦੇ ਹੋਏ ਜ਼ਹੀਰ ਇਕਬਾਲ ਨੇ ਲਿਖਿਆ- ਜਨਮਦਿਨ ਮੁਬਾਰਕ ਸੋਨਾਜ਼। ਮੈਂ ਤੁਹਾਨੂੰ ਪਿਆਰ ਕਰਦਾ ਹਾਂ। ਜ਼ਹੀਰ ਇਕਬਾਲ ਦੇ ਇਸ ਵੀਡੀਓ ਅਤੇ ਉਸ ਦੇ ਕੈਪਸ਼ਨ ‘ਤੇ ਪ੍ਰਸ਼ੰਸਕ ਆਪਣਾ ਪਿਆਰ ਦੇ ਰਹੇ ਹਨ। ਫੈਨਜ਼ ਵੀ ਦੋਵਾਂ ਦੀ ਕੈਮਿਸਟਰੀ ਅਤੇ ਬੌਂਡਿੰਗ ਨੂੰ ਸਵੀਟ ਅਤੇ ਕਿਊਟ ਦੱਸ ਰਹੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਆਪਣੀ ਪੋਸਟ ‘ਚ ਸੋਨਾਕਸ਼ੀ ਨੂੰ ਆਈ ਲਵ ਯੂ ਕਹਿ ਕੇ ਜ਼ਹੀਰ ਨੇ ਅਦਾਕਾਰਾ ਲਈ ਆਪਣੇ ਪਿਆਰ ਦਾ ਇਜ਼ਹਾਰ ਕੀਤਾ ਹੈ ਅਤੇ ਸੋਨਾਕਸ਼ੀ ਨਾਲ ਆਪਣੇ ਰਿਸ਼ਤੇ ਦੀ ਪੁਸ਼ਟੀ ਵੀ ਕੀਤੀ ਹੈ।