ਗੁੜਗਾਉ / ਉੱਤਰੀ ਦਿੱਲੀ ਦੇ ਨਾਰੇਲਾ ਇਲਾਕੇ ਦੀ ਰਹਿਣ ਵਾਲੀ 13 ਸਾਲ ਦੀ ਦਲਿਤ ਬੱਚੀ ਨਾਲ ਉਸ ਦੇ ਮਕਾਨ ਮਾਲਕ ਦੇ ਗੁੜਗਾਉ ‘ਚ ਰਹਿੰਦੇ ਰਿਸ਼ਤੇਦਾਰ ਵਲੋਂ ਜਬਰ ਜਨਾਹ ਤੋਂ ਬਾਅਦ ਹੱਤਿਆ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ |
ਲੜਕੀ ਦੇ ਪਿਤਾ ਦੀ ਸ਼ਿਕਾਇਤ ‘ਤੇ ਮਕਾਨ ਮਾਲਕਣ ਦੇ ਭਰਾ ਪਰਵੀਨ ਵਰਮਾ ਨੂੰ ਗਿ੍ਫ਼ਤਾਰ ਕਰ ਲਿਆ ਹੈ | ਐਫ. ਆਈ. ਆਰ. ਅਨੁਸਾਰ ਬੱਚੀ ਦੇ ਪਿਤਾ ਨੇ ਦੱਸਿਆ ਕਿ 17 ਜੁਲਾਈ ਨੂੰ ਉਸ ਦੀ ਮਕਾਨ ਮਾਲਕਣ ਨੇ ਕਿਹਾ ਕਿ ਉਸ ਦੀ ਭਰਜਾਈ ਨੇ ਬੱਚੇ ਨੂੰ ਜਨਮ ਦਿੱਤਾ ਹੈ, ਇਸ ਲਈ ਉਹ ਮੇਰੀ ਬੱਚੀ ਨੂੰ ਆਪਣੇ ਨਾਲ ਗੁੜਗਾE ਆਪਣੇ ਭਰਾ ਦੇ ਘਰ ਲੈ ਗਈ ਅਤੇ ਬੱਚੀ ਉਸ ਦੇ ਨਾਲ ਹੀ ਉਥੇ ਰਹੇਗੀ ਤੇ ਉਸ ਦੇ ਭਰਾ ਦੀ ਬੱਚੀ ਨਾਲ ਖੇਡੇਗੀ | 23 ਅਗਸਤ ਨੂੰ ਦੁਪਹਿਰ 3 ਵਜੇ ਉਸ ਨੂੰ ਮਕਾਨ ਮਾਲਕ ਦਾ ਫ਼ੋਨ ਆਇਆ ਕਿ ਉਸ ਦੀ ਬੱਚੀ ਦੀ ਮੌਤ ਹੋ ਗਈ ਹੈ ਅਤੇ ਸ਼ਾਮ 7 ਵਜੇ ਉਹ ਬੱਚੀ ਦੀ ਮ੍ਤਿਕ ਦੇਹ ਲੈ ਕੇ ਨਾਰੇਲਾ ਪੁੱਜ ਗਏ ਤੇ ਤੁਰੰਤ ਬੱਚੀ ਦਾ ਅੰਤਿਮ ਸੰਸਕਾਰ ਕਰਨ ਲਈ ਦਬਾਅ ਪਾਉਣ ਲੱਗੇ | ਜਦੋਂ ਉਸ ਨੂੰ ਸ਼ੱਕ ਹੋਇਆ ਤਾਂ ਪੀ. ਸੀ. ਆਰ. ਨੂੰ ਫ਼ੋਨ ਕੀਤਾ ਤੇ ਨਾਰੇਲਾ ਪੁਲਿਸ ਥਾਣੇ ਦੇ ਮੁਲਾਜ਼ਮ ਮੌਕੇ ‘ਤੇ ਪਹੁੰਚ ਗਏ | ਉਸ ਨੇ ਦੋਸ਼ ਲਗਾਇਆ ਕਿ ਪਰਵੀਨ ਵਰਮਾ ਨੇ ਹੋਰਨਾਂ ਨਾਲ ਮਿਲ ਕੇ ਬੱਚੀ ਦੀ ਹੱਤਿਆ ਕੀਤੀ ਹੈ | ਪੋਸਟ ਮਾਰਟਮ ਰਿਪੋਰਟ ‘ਚ ਬੱਚੀ ਨਾਲ ਸਰੀਰਕ ਸ਼ੋਸਣ ਤੋਂ ਬਾਅਦ ਹੱਤਿਆ ਦੀ ਪੁਸ਼ਟੀ ਦੇ ਬਾਅਦ ਦੋਸ਼ੀ ਨੂੰ ਗਿ੍ਫ਼ਤਾਰ ਕਰ ਲਿਆ ਗਿਆ ਹੈ |