ਰੂਸ ਅਤੇ ਯੂਕਰੇਨ ਵਿਚਕਾਰ ਚੱਲ ਰਹੇ ਯੁੱਧ ਕਾਰਨ ਪੂਰੀ ਦੁਨੀਆਂ ਵਿੱਚ ਮਹਿੰਗਾਈ ਹੋਰ ਵਧ ਸਕਦੀ ਹੈ।
ਇਸਦਾ ਸਭ ਤੋਂ ਪਹਿਲਾ ਅਸਰ ਤੁਹਾਡੀ ਰਸੋਈ ਉੱਤੇ ਪੈਣ ਵਾਲਾ ਹੈ। ਖਾਣ ਵਾਲੇ ਤੇਲ ਦੀਆਂ ਕੀਮਤਾਂ ਵਿੱਚ 20 ਫੀਸਦੀ ਵਾਧਾ ਹੋਇਆ ਹੈ। ਸੂਰਜਮੁਖੀ ਤੇਲ ਦੇ ਸਭ ਤੋਂ ਵੱਡੇ ਉਤਪਾਦਕ ਰੂਸ ਅਤੇ ਯੂਕਰੇਨ ਹਨ।ਇਹ ਦੇਸ਼ ਕੁੱਲ ਸੂਰਜਮੁਖੀ ਤੇਲ ਦਾ ਲਗਭਗ 70 ਪ੍ਰਤੀਸ਼ਤ ਵਿਸ਼ਵ ਨੂੰ ਨਿਰਯਾਤ ਕਰਦੇ ਹਨ। ਇਨ੍ਹਾਂ ਦੋਵਾਂ ਦੇਸ਼ਾਂ ਵਿੱਚ ਚੱਲ ਰਹੇ ਯੁੱਧ ਕਾਰਨ ਤੋਂ ਇਸ ਦਾ ਨਿਰਯਾਤ ਲਗਭਗ ਬੰਦ ਹੋ ਗਿਆ ਹੈ, ਜਿਸ ਕਾਰਨ ਪਾਮ ਤੇਲ ਦੀ ਮੰਗ ਬਹੁਤ ਵਧ ਗਈ ਹੈ।
ਕਮੋਡਿਟੀ ਮਾਹਿਰ ਅਤੇ ਕੇਡੀਆ ਐਡਵਾਈਜ਼ਰੀ ਦੇ ਨਿਰਦੇਸ਼ਕ ਅਜੈ ਕੇਡੀਆ ਦਾ ਕਹਿਣਾ ਹੈ ਕਿ ਗਲੋਬਲ ਮਾਰਕੀਟ ਦੇ ਦਬਾਅ ਹੇਠ ਭਾਰਤ ਵਿੱਚ ਪਹਿਲੀ ਵਾਰ ਪਾਮ ਤੇਲ ਸਾਰੇ ਖਾਣ ਵਾਲੇ ਤੇਲ ਵਿੱਚੋਂ ਸਭ ਤੋਂ ਮਹਿੰਗਾ ਹੋ ਗਿਆ ਹੈ। ਇਸ ਤੋਂ ਵੀ ਅੱਗੇ ਪਾਮ ਤੇਲ ਸਮੇਤ ਸਾਰੇ ਖਾਣ ਵਾਲੇ ਤੇਲ 15-20 ਫੀਸਦੀ ਮਹਿੰਗੇ ਹੋ ਸਕਦੇ ਹਨ। ਦੱਸ ਦੇਈਏ ਕਿ ਮਈ 2020 ਵਿੱਚ ਪਾਮ ਤੇਲ ਦੀ ਕੀਮਤ 1,937 ਰਿੰਗਿਟ (ਮਲੇਸ਼ੀਅਨ ਕਰੰਸੀ) ਸੀ, ਜੋ ਹੁਣ ਵਧ ਕੇ 7,100 ਰਿੰਗਿਟ ਹੋ ਗਈ ਹੈ। ਯਾਨੀ ਦੋ ਸਾਲਾਂ ਤੋਂ ਵੀ ਘੱਟ ਸਮੇਂ ਵਿੱਚ ਇਸ ਦੀਆਂ ਕੀਮਤਾਂ ਤਿੰਨ ਗੁਣਾ ਵੱਧ ਗਈਆਂ ਹਨ। ਬੀਤੇ ਮੰਗਲਵਾਰ ਨੂੰ ਹੀ ਪਾਮ ਤੇਲ ਦੀ ਫਿਊਚਰਜ਼ ਕੀਮਤ 7 ਫੀਸਦੀ ਦੇ ਉਛਾਲ ‘ਤੇ ਪਹੁੰਚ ਗਈ ਸੀ।
ਇਸਦੇ ਨਾਲ ਹੀ ਦੱਸ ਦੇਈਏ ਕਿ ਪਾਮ ਤੇਲ ਦੀਆਂ ਵਧਦੀਆਂ ਕੀਮਤਾਂ ਤੋਂ ਬਚਣ ਲਈ ਭਾਰਤ ਨੇ ਪਿਛਲੇ ਦਿਨੀਂ ਆਪਣੀ ਰਣਨੀਤੀ ਬਦਲੀ ਸੀ ਅਤੇ ਖਾਣ ਵਾਲੇ ਤੇਲ ਦੀਆਂ ਲੋੜਾਂ ਪੂਰੀਆਂ ਕਰਨ ਲਈ ਸੂਰਜਮੁਖੀ ਅਤੇ ਸੋਇਆਬੀਨ ਦੇ ਤੇਲ ਦੀ ਜ਼ਿਆਦਾ ਬਰਾਮਦ ਕਰਨ ਦੀ ਰਣਨੀਤੀ ਬਣਾਈ ਸੀ। ਭਾਰਤ ਇਸ ਸਮੇਂ ਯੂਕਰੇਨ ਤੋਂ 17 ਲੱਖ ਟਨ ਅਤੇ ਰੂਸ ਤੋਂ 2 ਲੱਖ ਟਨ ਸੂਰਜਮੁਖੀ ਤੇਲ ਦੀ ਬਰਾਮਦ ਕਰਦਾ ਹੈ।
ਹਰ ਤਰ੍ਹਾਂ ਦੇ ਖਾਣ ਵਾਲੇ ਤੇਲ ਹੋਣਗੇ ਮਹਿੰਗੇ ਪਾਮ ਤੇਲ ਦੀ ਵਰਤੋਂ ਹਰ ਤਰ੍ਹਾਂ ਦੇ ਰਿਫਾਇੰਡ ਤੇਲ ਵਿੱਚ ਕੀਤੀ ਜਾਂਦੀ ਹੈ। ਇਸ ਤੋਂ ਪਹਿਲਾਂ ਸਰ੍ਹੋਂ ਦੇ ਤੇਲ ਵਿੱਚ ਵੀ ਮਿਲਾਵਟ ਹੁੰਦੀ ਸੀ ਪਰ ਦੋ ਸਾਲ ਪਹਿਲਾਂ ਸਰਕਾਰ ਨੇ ਇਸ ’ਤੇ ਪਾਬੰਦੀ ਲਾ ਦਿੱਤੀ ਸੀ। ਇਸ ਦਾ ਮਤਲਬ ਹੈ ਕਿ ਪਾਮ ਤੇਲ ਦੀਆਂ ਕੀਮਤਾਂ ਵਧਣ ਨਾਲ ਸਰ੍ਹੋਂ ਨੂੰ ਛੱਡ ਕੇ ਹਰ ਤਰ੍ਹਾਂ ਦਾ ਖਾਣ ਵਾਲਾ ਤੇਲ ਮਹਿੰਗਾ ਹੋ ਜਾਵੇਗਾ।
ਪਾਮ ਤੇਲ ਦੀਆਂ ਕੀਮਤਾਂ ਵਧਣ ਦੇ ਕਾਰਨ
• ਸਰਕਾਰ ਪੈਟਰੋਲ ਅਤੇ ਡੀਜ਼ਲ ਵਿੱਚ ਵੀ ਪਾਮ ਤੇਲ ਦੀ ਮਿਲਾਵਟ ਕਰਦੀ ਹੈ।• ਪਾਮ ਉਤਪਾਦਕ ਦੇਸ਼ਾਂ ਨੂੰ ਮੌਸਮ ਦੀ ਭਾਰੀ ਮਾਰ ਪਈ ਹੈ, ਜਿਸ ਕਾਰਨ ਉਤਪਾਦਨ ਪ੍ਰਭਾਵਿਤ ਹੋਇਆ ਹੈ।• ਮਹਾਂਮਾਰੀ ਤੋਂ ਬਾਅਦ, ਮਜ਼ਦੂਰਾਂ ਦੀ ਗਿਣਤੀ ਵਧ ਗਈ ਹੈ ਅਤੇ ਮਜ਼ਦੂਰਾਂ ਨੂੰ ਹੁਣ ਵਧੇਰੇ ਭੁਗਤਾਨ ਕਰਨਾ ਪੈ ਰਿਹਾ ਹੈ।• ਕੰਟੇਨਰਾਂ ਦੀ ਕਮੀ ਹੈ, ਜਿਸ ਕਾਰਨ ਲੌਜਿਸਟਿਕਸ ਅਤੇ ਸ਼ਿਪਮੈਂਟ ਮਹਿੰਗਾ ਹੋ ਗਿਆ ਹੈ।