ਭਾਰਤ ਵਿੱਚ 2026 ਤੱਕ ਇੱਕ ਅਰਬ ਸਮਾਰਟਫੋਨ ਉਪਭੋਗਤਾ ਹੋ ਜਾਣਗੇ।
ਜਾਰੀ ਕੀਤੀ ਗਈ ਡੇਲੋਇਟ ਦੀ ਰਿਪੋਰਟ ਮੁਤਾਬਕ ਗ੍ਰਾਮੀਣ ਖੇਤਰਾਂ ‘ਚ ਇੰਟਰਨੈੱਟ ਸੁਵਿਧਾ ਨਾਲ ਲੈਸ ਮੋਬਾਇਲ ਫੋਨਾਂ ਦੀ ਵਿਕਰੀ ਵਧਣ ਨਾਲ ਸਮਾਰਟਫੋਨ ਉਪਭੋਗਤਾਵਾਂ ਦੀ ਗਿਣਤੀ ‘ਚ ਵਾਧਾ ਹੋਵੇਗਾ। ਸਾਲ 2021 ਤੱਕ ਭਾਰਤ ਵਿੱਚ 1.2 ਬਿਲੀਅਨ ਮੋਬਾਈਲ ਫੋਨ ਉਪਭੋਗਤਾ ਸਨ। ਇਸ ਵਿੱਚੋਂ 750 ਮਿਲੀਅਨ ਸਮਾਰਟਫ਼ੋਨ ਦੀ ਵਰਤੋਂ ਕਰਦੇ ਹਨ। ਡੇਲੋਇਟ ਦੇ 2022 ਗਲੋਬਲ ਟੀਐਮਟੀ (ਤਕਨਾਲੋਜੀ, ਮੀਡੀਆ ਅਤੇ ਮਨੋਰੰਜਨ, ਦੂਰਸੰਚਾਰ) ਦੇ ਅਨੁਮਾਨ ਅਨੁਸਾਰ, “ਘਰੇਲੂ ਬਾਜ਼ਾਰ ਵਿੱਚ ਸਮਾਰਟਫ਼ੋਨ ਦੀ ਵਰਤੋਂ ਕਰਨ ਵਾਲੇ ਲੋਕਾਂ ਦੀ ਗਿਣਤੀ 2026 ਤੱਕ ਇੱਕ ਅਰਬ ਤੱਕ ਵਧਣ ਦਾ ਅਨੁਮਾਨ ਹੈ।”
ਪੇਂਡੂ ਖੇਤਰਾਂ ਵਿੱਚ ਸਮਾਰਟਫ਼ੋਨ ਦੇ ਗਾਹਕ ਤੇਜ਼ੀ ਨਾਲ ਵੱਧ ਰਹੇ ਹਨ : ਡੇਲੋਇਟ ਦੇ ਅਨੁਸਾਰ, 2021 ਅਤੇ 2026 ਦੇ ਵਿਚਕਾਰ, ਗ੍ਰਾਮੀਣ ਖੇਤਰਾਂ ਵਿੱਚ ਸਮਾਰਟਫੋਨ ਗਾਹਕਾਂ ਦੀ ਗਿਣਤੀ ਸਾਲਾਨਾ ਅਧਾਰ ‘ਤੇ ਛੇ ਪ੍ਰਤੀਸ਼ਤ ਦੀ ਦਰ ਨਾਲ ਵਧੇਗੀ। ਇਸ ਦੇ ਨਾਲ ਹੀ ਸ਼ਹਿਰੀ ਖੇਤਰਾਂ ਵਿੱਚ ਇਸ ਵਿੱਚ 2.5 ਫੀਸਦੀ ਸਾਲਾਨਾ ਵਾਧਾ ਹੋਵੇਗਾ। ਡੇਲੋਇਟ ਦੇ ਵਿਸ਼ਲੇਸ਼ਣ ਦੇ ਅਨੁਸਾਰ, ਭਾਰਤ ਦੀ ਸਮਾਰਟਫੋਨ ਦੀ ਮੰਗ 2021 ਵਿੱਚ 300 ਮਿਲੀਅਨ ਤੋਂ 2026 ਵਿੱਚ 6 ਪ੍ਰਤੀਸ਼ਤ ਸਾਲ ਦਰ ਸਾਲ ਵਧ ਕੇ 400 ਮਿਲੀਅਨ ਹੋ ਜਾਵੇਗੀ।
ਡੇਲੀ ਮੇਲ ਵਿੱਚ ਪ੍ਰਕਾਸ਼ਿਤ ਇੱਕ ਖਬਰ ਦੇ ਅਨੁਸਾਰ, ਕਿਸ਼ੋਰਾਂ ਅਤੇ ਨੌਜਵਾਨਾਂ ਉੱਤੇ ਕੀਤੇ ਗਏ ਇੱਕ ਸਰਵੇਖਣ ਵਿੱਚ ਪਾਇਆ ਗਿਆ ਹੈ ਕਿ ਇਹਨਾਂ ਵਰਗਾਂ ਲਈ ਪਿਆਰ ਲੱਭਣ ਜਾਂ ਪਿਆਰ ਵਿੱਚ ਪੈਣ ਨਾਲੋਂ ਜ਼ਿਆਦਾ ਜ਼ਰੂਰੀ ਭਰੋਸੇਯੋਗ ਇੰਟਰਨੈਟ ਕਨੈਕਸ਼ਨ ਪ੍ਰਾਪਤ ਕਰਨਾ ਹੈ। ਇਸ ਸਰਵੇਖਣ ਮੁਤਾਬਕ 1997 ਤੋਂ 2012 ਦਰਮਿਆਨ ਪੈਦਾ ਹੋਈ ਪੀੜ੍ਹੀ ਲਈ, ਛੁੱਟੀਆਂ ਮਨਾਉਣ, ਦੋਸਤ ਬਣਾਉਣ ਅਤੇ ਘਰ ਖਰੀਦਣ ਨਾਲੋਂ ਜ਼ਿਆਦਾ ਜ਼ਰੂਰੀ ਔਨਲਾਈਨ ਹੋਣਾ ਹੈ।
ਇਸ ਪੀੜ੍ਹੀ ਨੂੰ ‘ਜਨਰੇਸ਼ਨ ਜ਼ੈਡ’ ਜਾਂ ‘ਜ਼ੂਮਰ’ ਵੀ ਕਿਹਾ ਜਾਂਦਾ ਹੈ। ਬ੍ਰਿਟਿਸ਼ ਮੋਬਾਈਲ ਨੈੱਟਵਰਕ ਆਪਰੇਟਰ ਈ.ਈ ਦੁਆਰਾ 2022 ਲਈ ਤਰਜੀਹੀ ਸਰਵੇਖਣ ਨੇ ਪਾਇਆ ਕਿ 74% ਜ਼ੂਮਰਸ ਲਈ ‘ਕਨੈਕਟੀਵਿਟੀ’ ਬਹੁਤ ਮਹੱਤਵਪੂਰਨ ਹੈ, ਜਦੋਂ ਕਿ 77% ਲਈ ਕਰੀਅਰ ਦੀ ਤਰੱਕੀ ਵਧੇਰੇ ਮਹੱਤਵਪੂਰਨ ਹੈ। 70% ਜ਼ੂਮਰ ਛੁੱਟੀਆਂ ‘ਤੇ ਜਾਣ ਦੇ ਮੌਕੇ ਨੂੰ ਵੱਡੀ ਗੱਲ ਸਮਝਦੇ ਹਨ, ਜਦੋਂ ਕਿ ਇਸ ਉਮਰ ਦੇ 69% ਕਿਸ਼ੋਰ ਅਤੇ ਨੌਜਵਾਨ ਨਵੇਂ ਦੋਸਤ ਬਣਾਉਣਾ ਪਸੰਦ ਕਰਦੇ ਹਨ। ਸਮਾਰਟਫੋਨ ਯੂਜ਼ਰਸ ‘ਚ ਵਾਧੇ ਦਾ ਇਹ ਇਕ ਮੁੱਖ ਕਾਰਨ ਹੈ।
ਸਰਵੇਖਣ ਕੀਤੇ ਗਏ ਸਮੂਹ ਵਿੱਚ ਸਿਰਫ 51% ਨੌਜਵਾਨਾਂ ਨੇ ਕਿਹਾ ਕਿ ਇੱਕ ਸਾਥੀ ਨਾਲ ਸੈਟਲ ਹੋਣਾ ਉਹਨਾਂ ਦੀ ਪ੍ਰਮੁੱਖ ਤਰਜੀਹਾਂ ਵਿੱਚ ਸ਼ਾਮਲ ਹੈ, ਜਦੋਂ ਕਿ ਸਿਰਫ 43% ਵਿਆਹ ਕਰਨਾ ਚਾਹੁੰਦੇ ਹਨ ਅਤੇ 40% ਇੱਕ ਬੱਚਾ ਚਾਹੁੰਦੇ ਹਨ। ‘ਜਨਰੇਸ਼ਨ ਜ਼ੈਡ ਦੀਆਂ ਹੋਰ ਤਰਜੀਹਾਂ 55% ਲਈ ਇੱਕ ਘਰ ਲਈ ਪੈਸਾ ਇਕੱਠਾ ਕਰਨਾ ਅਤੇ 52% ਲਈ ਵਿਸ਼ਵ ਕੱਪ ਦੇਖਣਾ ਹੈ।