ਮੁੰਬਈ : ਬਾਲੀਵੁੱਡ ਅਦਾਕਾਰ ਅਤੇ ਸਲਮਾਨ ਖਾਨ ਦੇ ਭਰਾ ਸੋਹੇਲ ਖਾਨ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਸੁਰਖੀਆਂ ‘ਚ ਆ ਚੁੱਕੇ ਹਨ।
ਸੋਹੇਲ ਖਾਨ ਨੇ ਪਤਨੀ ਸੀਮਾ ਖਾਨ ਤੋਂ ਤਲਾਕ ਲਈ ਅਰਜ਼ੀ ਦਾਖਲ ਕਰ ਦਿੱਤੀ ਹੈ। ਸੋਹੇਲ ਖਾਨ ਅਤੇ ਸੀਮਾ ਖਾਨ ਨੂੰ ਅਦਾਲਤ ਦੇ ਬਾਹਰ ਦੇਖਿਆ ਗਿਆ। ਇਸ ਖਬਰ ਨੇ ਸੋਹੇਲ ਖਾਨ ਦੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਸੋਹੇਲ ਖਾਨ ਅਤੇ ਸੀਮਾ ਖਾਨ ਦੇ ਵਿੱਚ ਦਰਾਰ ਦੀਆਂ ਖਬਰਾਂ ਲੰਬੇ ਸਮੇਂ ਤੋਂ ਆ ਰਹੀਆਂ ਹਨ। ਸੋਹੇਲ ਖਾਨ ਬਾਰੇ ਤਾਂ ਹਰ ਕੋਈ ਜਾਣਦਾ ਹੈ ਪਰ ਸੀਮਾ ਬਾਲੀਵੁੱਡ ਤੋਂ ਦੂਰ ਕੀ ਕਰਦੀ ਹੈ, ਇਸ ਬਾਰੇ ਬਹੁਤ ਘੱਟ ਲੋਕ ਜਾਣਦੇ ਹਨ। ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ ਸੀਮਾ ਖਾਨ ਬਾਰੇ।ਸੋਹੇਲ ਖਾਨ ਦੀ ਪਤਨੀ ਹੋਣ ਤੋਂ ਇਲਾਵਾ ਸੀਮਾ ਸਚਦੇਵ ਦੀ ਵੀ ਆਪਣੀ ਵੱਖਰੀ ਪਛਾਣ ਹੈ। ਸੀਮਾ ਸਚਦੇਵ ਪੇਸ਼ੇ ਤੋਂ ਇੱਕ ਫੈਸ਼ਨ ਡਿਜ਼ਾਈਨਰ ਹੈ ਅਤੇ ਵੱਡੇ ਸਿਤਾਰੇ ਉਸ ਦੁਆਰਾ ਡਿਜ਼ਾਈਨ ਕੀਤੇ ਕੱਪੜੇ ਪਾਉਂਦੇ ਹਨ।ਸੀਮਾ ਪੰਜਾਬੀ ਪਰਿਵਾਰ ਨਾਲ ਸਬੰਧਤ ਹੈ।
ਵਿਆਹ ਤੋਂ ਪਹਿਲਾਂ ਹੀ ਉਨ੍ਹਾਂ ਨੇ ਡਿਜ਼ਾਈਨਰ ਬਣਨ ਦਾ ਫੈਸਲਾ ਕਰ ਲਿਆ ਸੀ।ਸੀਮਾ ਸਚਦੇਵ ਦੇ ਆਪਣੇ ਫੈਸ਼ਨ ਬ੍ਰਾਂਡ ਅਤੇ ਕਈ ਬੁਟੀਕ ਵੀ ਹਨ। ਸੀਮਾ ਖਾਨ ਦੇ ਮੁੰਬਈ ਅਤੇ ਦੁਬਈ ‘ਚ ਕੱਪੜਿਆਂ ਦੀ ਦੁਕਾਨ ਵੀ ਹੈ।ਇਸ ਤੋਂ ਇਲਾਵਾ ਸੀਮਾ ਦਾ ਆਪਣਾ ਸੈਲੂਨ ਅਤੇ ਸਪਾ ਵੀ ਹੈ। ਸ਼ਿਲਪਾ ਸ਼ੈੱਟੀ ਤੋਂ ਲੈ ਕੇ ਕੈਟਰੀਨਾ, ਕਰੀਨਾ, ਮਲਾਇਕਾ ਵਰਗੀਆਂ ਮਸ਼ਹੂਰ ਹਸਤੀਆਂ ਅਕਸਰ ਉਨ੍ਹਾਂ ਦੇ ਸਪਾ ਦੇ ਬਾਹਰ ਸਪਾਟ ਹੁੰਦੀਆਂ ਹਨ।ਸੀਮਾ ਸਚਦੇਵ ਕਰੋੜਾਂ ਦੀ ਜਾਇਦਾਦ ਦੀ ਮਾਲਕ ਹੈ। ਉਸਦੇ ਪਿਤਾ ਅਰੁਣ ਸਚਦੇਵ ਹਨ, ਜੋ ਕਾਰਨਰਸਟੋਰ ਸਪੋਰਟਸ ਐਂਡ ਐਂਟਰਟੇਨਮੈਂਟ ਪ੍ਰਾਈਵੇਟ ਲਿਮਟਿਡ ਦੇ ਗੈਰ-ਕਾਰਜਕਾਰੀ ਨਿਰਦੇਸ਼ਕ ਹਨ।ਦੱਸ ਦੇਈਏ ਕਿ ਸੋਹੇਲ ਖਾਨ ਅਤੇ ਸੀਮਾ ਸਚਦੇਵ ਲੰਬੇ ਸਮੇਂ ਤੋਂ ਵੱਖ ਰਹਿ ਰਹੇ ਹਨ। ਪਰ, ਹੁਣ ਦੋਵਾਂ ਨੇ 24 ਸਾਲਾਂ ਬਾਅਦ ਆਪਣਾ ਵਿਆਹ ਤੋੜਨ ਦਾ ਫੈਸਲਾ ਕੀਤਾ ਹੈ।