ਢਾਕਾ ਬੰਗਲਾਦੇਸ਼ ਦੀ ਇਕ ਅਦਾਲਤ ਨੇ ਮੰਗਲਵਾਰ ਨੂੰ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ‘ਤੇ 2000 ‘ਚ ਜਾਨਲੇਵਾ ਹਮਲਾ ਕਰਨ ਵਾਲੇ 14 ਇਸਲਾਮਿਕ ਅੱਤਵਾਦੀਆਂ ਨੂੰ ਮੌਤ ਦੀ ਸਜ਼ਾ ਸੁਣਾਈ ਹੈ ।
ਇਹ ਫ਼ੈਸਲਾ ਢਾਕਾ ਦੀ ਸਪੀਡੀ ਟਰਾਇਲ ਟਿ੍ਬਿਊਨਲ-1 ਦੇ ਜੱਜ ਅਬੂ ਜ਼ਫਰ ਮੁਹੰਮਦ ਕਮਰੂਜ਼ਜ਼ਮਾਨ ਵਲੋਂ ਸੁਣਾਇਆ ਗਿਆ ਅਤੇ ਸੁਣਵਾਈ ਦੌਰਾਨ 9 ਦੋਸ਼ੀਆਂ ਨੂੰ ਇਕ-ਦੂਜੇ ਦਾ ਸਾਹਮਣਾ ਕਰਵਾਉਣ ਲਈ ਸਿੱਧੇ ਜ਼ੇਲ੍ਹ ਤੋਂ ਅਦਾਲਤ ‘ਚ ਲਿਆਂਦਾ ਗਿਆ ਸੀ । ਦੱਸਣਯੋਗ ਹੈ ਕਿ ਪਾਬੰਦੀਸ਼ੁਦਾ ਹਰਕਤੁਲ ਜਿਹਾਦ ਬੰਗਲਾਦੇਸ਼ (ਹੂਜੀ-ਬੀ) ਦੇ ਇਨ੍ਹਾਂ ਅੱਤਵਾਦੀਆਂ ਨੇ 21 ਜੁਲਾਈ 2000 ਨੂੰ ਦੱਖਣ-ਪੱਛਮੀ ਗੋਪਾਲਗੰਜ ਦੇ ਕੋਟਲੀਪਾਰਾ ਖੇਤਰ ‘ਚ 76 ਕਿਲੋਗ੍ਰਾਮ ਦਾ ਇਕ ਬੰਬ ਲਗਾਇਆ ਦਿੱਤਾ ਸੀ, ਜਿਥੇ ਸ਼ੇਖ ਹਸੀਨਾ ਨੇ ਰੈਲੀ ਨੂੰ ਸੰਬੋਧਨ ਕਰਨਾ ਸੀ ।