ਆਮ ਤੌਰ ‘ਤੇ ਮੁਫਤ ਵਿੱਚ ਮਿਲਣ ਵਾਲਾ ਪਾਣੀ ਸਾਨੂੰ ਖਰੀਦਣਾ ਪਵੇ ਤਾਂ ਸਾਨੂੰ ਬੁਰਾ ਲਗਦਾ ਹੈ।
ਕਈ ਵਾਰ ਕਿਤੇ ਘੁੰਮਣ ਜਾਂਦੇ ਹੋਏ ਮਜਬੂਰੀ ਵਿੱਚ ਸਾਨੂੰ ਪਾਣੀ ਖਰੀਦ ਕੇ ਪੀਣਾ ਪੈਂਦਾ ਹੈ, ਹਾਲਾਂਕਿ ਓਹੀ ਪਾਣੀ ਘਰ ਵਿੱਚ ਸਾਨੂੰ ਮੁਫਤ ਮਿਲਦਾ ਹੈ। ਮਹਾਨਗਰਾਂ ਵਿੱਚ ਪਾਣੀ ਖਰੀਦਣਾ ਇੱਕ ਆਮ ਵਰਤਾਰਾ ਬਣ ਗਿਆ ਹੈ, ਪਰ ਸਾਡੇ ਦੇਸ਼ ਦੇ ਛੋਟੇ ਸ਼ਹਿਰਾਂ ਵਿੱਚ ਇਹ ਸਹੂਲਤ ਅਜੇ ਵੀ ਮਾਮੂਲੀ ਦਰਾਂ ‘ਤੇ ਉਪਲਬਧ ਹੈ। ਪਾਣੀ ਦੀ ਇੱਕ ਬੋਤਲ ਦੀ ਕੀਮਤ ਅਸੀਂ 30 ਰੁਪਏ ਤੱਕ ਅਦਾ ਕਰਦੇ ਹਾਂ ਪਰ ਬਰਤਾਨੀਆ ਵਿੱਚ ਪਾਣੀ ਦੀ ਇੱਕ ਬੋਤਲ 12 ਹਜ਼ਾਰ ਰੁਪਏ ਵਿੱਚ ਵਿਕ ਰਹੀ ਹੈ। ਬਰਤਾਨੀਆ ਵਿੱਚ ਇਹ ਆਪਣੀ ਕਿਸਮ ਦੀ ਪਹਿਲੀ ਦੁਕਾਨ ਹੈ, ਜਿੱਥੇ ਸਿਰਫ਼ ਪਾਣੀ ਹੀ ਵੇਚਿਆ ਜਾਂਦਾ ਹੈ। ਇਸ ਦੁਕਾਨ ਵਿੱਚ ਪਾਣੀ ਦੀਆਂ ਵੱਖ-ਵੱਖ ਕਿਸਮਾਂ ਉਪਲਬਧ ਹਨ। ਦੁਕਾਨ ‘ਤੇ ਆਮ ਪੀਣ ਵਾਲੇ ਪਾਣੀ ਤੋਂ ਲੈ ਕੇ ਕਈ ਤਰ੍ਹਾਂ ਦੇ ਪਾਣੀ ਉਪਲਬਧ ਹਨ, ਜਿਨ੍ਹਾਂ ਨੂੰ ਖਾਣੇ ਦੇ ਨਾਲ ਵਾਈਨ ਵਾਂਗ ਪੀਤਾ ਜਾ ਸਕਦਾ ਹੈ।
12000 ਰੁਪਏ ਦੀ ਪਾਣੀ ਦੀ ਵਿਸ਼ੇਸ਼ਤਾ : ਫੁਲਹੈਮ, ਪੱਛਮੀ ਲੰਡਨ ਵਿੱਚ ਓਪਨ ਵਾਟਰ ਸਟੋਰ ਦਾ ਨਾਮ ਫਾਈਨ ਲਿਕਵਿਡਸ ਹੈ। ਇਸ ਨੂੰ ਮਿਲਿਨ ਪਟੇਲ ਨਾਂ ਦਾ 40 ਸਾਲਾ ਕਾਰੋਬਾਰੀ ਚਲਾ ਰਿਹਾ ਹੈ। ਇੱਥੇ ਪਾਣੀ ਦੀਆਂ ਬਹੁਤ ਸਾਰੀਆਂ ਕਿਸਮਾਂ ਹਨ, ਪਰ ਕੋਈ ਵੀ ਕਿਸਮ ਦੂਜੀ ਵਰਗੀ ਨਹੀਂ ਹੈ। ਸਾਰੇ ਤਰਲ ਪਦਾਰਥਾਂ ਦੀ ਜਾਂਚ ਵੱਖਰੀ ਹੁੰਦੀ ਹੈ। ਇਸ ਦੁਕਾਨ ‘ਤੇ ਵਿਕਣ ਵਾਲੀ ਅਪਸੂ ਨਾਮ ਦੀ ਪਾਣੀ ਦੀ ਬੋਤਲ ਦੀ ਕੀਮਤ 120 ਪੌਂਡ ਯਾਨੀ 12 ਹਜ਼ਾਰ ਰੁਪਏ ਹੈ। ਇਹ ਪਾਣੀ ਦੱਖਣੀ ਅਮਰੀਕਾ ਦੇ ਪੈਟਾਗੋਨੀਆ ਗਲੇਸ਼ੀਅਰ ਦਾ ਕੁਦਰਤੀ ਪਾਣੀ ਹੈ। ਲੰਡਨ ਦੀ ਰਹਿਣ ਵਾਲੀ ਮਿਲਿਨ ਕੋਲ ਇਸ ਤਰ੍ਹਾਂ ਦਾ ਹੋਰ ਖਾਸ ਪਾਣੀ ਹੈ। ਵਾਈਨ ਨੂੰ ਪਛਾਣਨ ਵਾਲਿਆਂ ਵਾਂਗ, ਉਹ ਆਪਣੇ ਆਪ ਨੂੰ ਪਾਣੀ ਪਛਾਣਨ ਵਾਲੇ ਦੱਸਦੇ ਹਨ।
ਹਰ ਪਾਣੀ ਦਾ ਆਪਣਾ ਟੇਸਟ ਹੁੰਦਾ ਹੈ : ਦਿ ਸਨ ਦੀ ਰਿਪੋਰਟ ਦੇ ਅਨੁਸਾਰ, ਮਿਲਿਨ ਨੇ ਆਪਣੇ ਜਰਮਨ ਵਪਾਰਕ ਭਾਈਵਾਲ ਪੈਟ ਏਕਰਟ ਨਾਲ ਆਨਲਾਈਨ ਮੁਲਾਕਾਤ ਕੀਤੀ। ਉਨ੍ਹਾਂ ਦੇ ਜਰਮਨੀ ਵਿੱਚ ਦੋ ਗੋਦਾਮ ਵੀ ਹਨ। ਮਿਲਿਨ ਜੋ ਪਾਣੀ ਵੇਚਦੇ ਹਨ, ਉਹ ਚਸ਼ਮੇ ਅਤੇ ਕੁਦਰਤੀ ਸਰੋਤਾਂ ਤੋਂ ਇਕੱਠਾ ਕਰਦੇ ਹਨ। ਉਹ ਦੱਸਦੇ ਹਨ ਕਿ ਉਚਾਈ ਤੋਂ ਲਿਆ ਗਿਆ ਪਾਣੀ ਬਹੁਤ ਨਰਮ ਅਤੇ ਮੁਲਾਇਮ ਹੁੰਦਾ ਹੈ। ਪਾਣੀ ਜਿਸ ਵਿਚ ਮੈਗਨੀਸ਼ੀਅਮ ਜ਼ਿਆਦਾ ਹੁੰਦਾ ਹੈ, ਹਲਕਾ ਜਿਹਾ ਮਿੱਠਾ ਅਤੇ ਧਾਤੂ ਵਰਗਾ ਸੁਆਦ ਦਿੰਦਾ ਹੈ। ਉਸ ਦੀ ਦੁਕਾਨ ‘ਤੇ ਪਾਣੀ ਦੀ ਪੈਕਿੰਗ ਕੱਚ ਦੀਆਂ ਬੋਤਲਾਂ ਵਿੱਚ ਹੀ ਕੀਤੀ ਜਾਂਦੀ ਹੈ ਕਿਉਂਕਿ ਪਾਮੀ ਦਾ ਟੇਸਟ ਪਲਾਸਟਿਕ ਵਿੱਚ ਬਦਲ ਜਾਂਦਾ ਹੈ। ਲੋਕ ਪਾਰਟੀਆਂ ਲਈ ਉਸ ਦੀ ਦੁਕਾਨ ਤੋਂ ਖਾਸ ਤੌਰ ਉੱਤੇ ਪਾਣੀ ਲੈ ਕੇ ਜਾਂਦੇ ਹਨ।