ਪੋਤਾ-ਪੋਤੀ ਪੈਦਾ ਕਰੋ ਨਹੀਂ ਤਾਂ 5 ਕਰੋੜ ਦਿਓ, ਪੁੱਤ ਤੇ ਕੀਤਾ ਕੇਸ

ਪੋਤਾ-ਪੋਤੀ ਪੈਦਾ ਕਰੋ ਨਹੀਂ ਤਾਂ 5 ਕਰੋੜ ਦਿਓ, ਪੁੱਤ ਤੇ ਕੀਤਾ ਕੇਸ

 ਦੇਹਰਾਦੂਨ :  ਹਿੰਦੁਸਤਾਨ ਵਿਚ ਰੋਜ਼ ਨਵੀਂ ਖਬਰ ਸਾਹਮਣੇ ਆਉਂਦੀ ਹੈ, ਹੁਣ ਉਤਰਾਖੰਡ ਦੇ ਹਰਿਦੁਆਰ ਤੋਂ ਇਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ।

ਇੱਥੇ ਇੱਕ ਬਜ਼ੁਰਗ ਜੋੜੇ ਨੇ ਆਪਣੇ ਬੇਟੇ ਅਤੇ ਨੂੰਹ ਖਿਲਾਫ ਮਾਮਲਾ ਦਰਜ ਕਰਵਾਇਆ ਹੈ। ਬਜ਼ੁਰਗ ਜੋੜੇ ਨੇ ਅਦਾਲਤ ਵਿੱਚ ਮੰਗ ਕੀਤੀ ਹੈ ਕਿ ਉਸ ਦੇ ਪੁੱਤਰ ਦੇ ਪਾਲਣ-ਪੋਸ਼ਣ ਵਿੱਚ ਪੰਜ ਕਰੋੜ ਰੁਪਏ ਖਰਚ ਕੀਤੇ ਗਏ ਹਨ।

ਇਸ ਲਈ ਉਹ ਇੱਕ ਸਾਲ ਦੇ ਅੰਦਰ ਪੋਤੇ-ਪੋਤੀਆਂ ਪੈਦਾ ਕਰੇ। ਬੇਟੇ ਦੇ ਮਾਤਾ-ਪਿਤਾ ਦੇ ਵਕੀਲ ਅਰਵਿੰਦ ਕੁਮਾਰ ਸ਼੍ਰੀਵਾਸਤਵ ਨੇ ਦੱਸਿਆ ਕਿ ਬੇਟੇ ਅਤੇ ਨੂੰਹ ਦੇ ਖਿਲਾਫ ਘਰੇਲੂ ਹਿੰਸਾ ਦੀਆਂ ਧਾਰਾਵਾਂ ਤਹਿਤ ਅਦਾਲਤ ‘ਚ ਮਾਮਲਾ ਦਰਜ ਕੀਤਾ ਗਿਆ ਹੈ। ਲੜਕੇ ਦੇ ਪਿਤਾ ਦਾ ਕਹਿਣਾ ਹੈ ਕਿ ਪੋਤੇ ਜਾਂ ਪੋਤੀ ਨੂੰ ਇੱਕ ਸਾਲ ਦੇ ਅੰਦਰ ਪੈਦਾ ਕਰਨਾ ਹੋਵੇਗਾ, ਨਹੀਂ ਤਾਂ ਦੋਵਾਂ ਨੂੰ 2.5-2.5 ਕਰੋੜ ਦਾ ਮੁਆਵਜ਼ਾ ਦੇਣਾ ਪਵੇਗਾ।

ਉਨ੍ਹਾਂ ਦੱਸਿਆ ਪੋਤੇ-ਪੋਤੀਆਂ ਦੀ ਉਮੀਦ ‘ਚ 2016 ‘ਚ ਪੁੱਤ ਦਾ ਵਿਆਹ ਕਰਵਾ ਦਿੱਤਾ ਸੀ। ਮੈਂ ਆਪਣੇ ਸਾਰੇ ਪੈਸੇ ਆਪਣੇ ਪੁੱਤਰ ਨੂੰ ਦੇ ਦਿੱਤੇ। ਉਹ ਅਮਰੀਕਾ ਵਿੱਚ ਪੜ੍ਹਿਆ । ਪਾਇਲਟ ਬਣਾਇਆ, ਹੁਣ ਮੇਰੇ ਕੋਲ ਪੈਸੇ ਨਹੀਂ ਹਨ। ਸੰਜੀਵ ਰੰਜਨ ਪ੍ਰਸਾਦ ਭੇਲ ਚ ਬਤੌਰ ਅਧਿਕਾਰੀ ਕੰਮ ਕਰਦਾ ਸੀ। ਸੇਵਾਮੁਕਤੀ ਤੋਂ ਬਾਅਦ, ਉਹ ਆਪਣੀ ਪਤਨੀ ਸਾਧਨਾ ਪ੍ਰਸਾਦ ਨਾਲ ਇੱਕ ਹਾਊਸਿੰਗ ਸੁਸਾਇਟੀ ਵਿੱਚ ਰਹਿੰਦਾ ਹੈ। ਸਾਧਨਾ ਪ੍ਰਸਾਦ ਦਾ ਕਹਿਣਾ ਹੈ ਕਿ ਬੇਟੇ ਦੇ ਪਾਲਣ-ਪੋਸ਼ਣ ਵਿੱਚ ਕੋਈ ਕਮੀ ਨਾ ਰਹੇ, ਇਸ ਲਈ ਅਸੀਂ ਕੋਈ ਹੋਰ ਬੱਚਾ ਪੈਦਾ ਨਹੀਂ ਕੀਤਾ।

ਉਸ ਨੂੰ ਪਾਇਲਟ ਬਣਾਇਆ। ਇਸ ਸਮੇਂ ਸ਼੍ਰੇ ਸਾਗਰ ਇੱਕ ਨਾਮੀ ਏਅਰਲਾਈਨ ਕੰਪਨੀ ਵਿੱਚ ਪਾਇਲਟ ਕੈਪਟਨ ਹਨ। ਔਰਤ ਨੇ ਦੱਸਿਆ ਕਿ ਬੇਟੇ ਸ਼੍ਰੇਆ ਸਾਗਰ ਨੂੰ ਪਾਇਲਟ ਬਣਾਉਣ ਲਈ ਅਮਰੀਕਾ ਤੋਂ ਟਰੇਨਿੰਗ ਲਈ ਪੈਂਤੀ ਲੱਖ ਰੁਪਏ ਫੀਸ, ਵੀਹ ਲੱਖ ਦਾ ਰਹਿਣ-ਸਹਿਣ ਦਾ ਖਰਚਾ ਅਤੇ ਬੇਟੇ ਤੇ ਨੂੰਹ ਦੀ ਖੁਸ਼ੀ ਲਈ 65 ਲੱਖ ਦਾ ਔਡੀ ਕਾਰ ਲਈ ਕਰਜ਼ਾ ਲਿਆ ਸੀ ।

ਦਸੰਬਰ 2016 ਵਿੱਚ ਬੇਟੇ ਸ਼੍ਰੇ ਸਾਗਰ ਨੇ ਆਪਣਾ ਵੰਸ਼ ਵਧਾਉਣ ਲਈ ਨੋਇਡਾ ਵਿੱਚ ਰਹਿਣ ਵਾਲੇ ਪ੍ਰਿਯਾਂਸ਼ੂ ਕੁਮਾਰ ਸਿਨਹਾ ਦੀ ਧੀ ਸ਼ੁਭਾਂਗੀ ਸਿਨਹਾ ਨਾਲ ਵਿਆਹ ਕਰਵਾ ਲਿਆ। ਇਸ ਜੋੜੇ ਨੇ ਦੋਵਾਂ ਨੂੰ ਹਨੀਮੂਨ ਲਈ ਥਾਈਲੈਂਡ ਵੀ ਭੇਜਿਆ ਸੀ। ਸਾਗਰ ਦੀ ਪਤਨੀ ਸ਼ੁਭਾਂਗੀ ਵੀ ਨੋਇਡਾ ਵਿੱਚ ਕੰਮ ਕਰਦੀ ਹੈ। ਬਜ਼ੁਰਗ ਜੋੜੇ ਦਾ ਕਹਿਣਾ ਹੈ ਕਿ ਸਾਨੂੰ ਸਿਰਫ਼ ਇੱਕ ਪੋਤਾ ਜਾਂ ਪੋਤੀ ਚਾਹੀਦੀ ਹੈ।

ਔਰਤ ਨੇ ਦੋਸ਼ ਲਾਇਆ ਕਿ ਜਦੋਂ ਉਹ ਆਪਣੇ ਪੁੱਤਰ ਅਤੇ ਨੂੰਹ ਤੋਂ ਪੋਤਾ ਜਾਂ ਪੋਤੀ ਦੀ ਮੰਗ ਕਰਦੀ ਹੈ ਤਾਂ ਉਹ ਕੋਈ ਜਵਾਬ ਨਹੀਂ ਦਿੰਦੇ । ਅਸੀਂ ਘਰ ਬਣਾਉਣ ਲਈ ਬੈਂਕ ਤੋਂ ਕਰਜ਼ਾ ਲਿਆ ਹੈ। ਅਸੀਂ ਵਿੱਤੀ ਅਤੇ ਨਿੱਜੀ ਤੌਰ ‘ਤੇ ਪ੍ਰੇਸ਼ਾਨ ਹਾਂ। ਅਸੀਂ ਆਪਣੀ ਪਟੀਸ਼ਨ ‘ਚ ਮੇਰੇ ਬੇਟੇ ਅਤੇ ਨੂੰਹ ਦੋਵਾਂ ਤੋਂ 2.5-2.5 ਕਰੋੜ ਰੁਪਏ ਦੀ ਮੰਗ ਕੀਤੀ ਹੈ। ਬਜ਼ੁਰਗ ਜੋੜੇ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਆਪਣੇ ਬੇਟੇ ਨੂੰ ਇੰਨਾ ਕਾਬਲ ਬਣਾ ਲਿਆ ਹੈ, ਫਿਰ ਵੀ ਬੁਢਾਪਾ ਇਕੱਲਿਆਂ ਹੀ ਕੱਟਣਾ ਪੈ ਰਿਹਾ ਹੈ। ਇਹ ਕਿਸੇ ਤਸ਼ੱਦਦ ਤੋਂ ਘੱਟ ਨਹੀਂ ਹੈ। ਇਸ ਕਾਰਨ ਉਨ੍ਹਾਂ ਨੂੰ ਕਾਫੀ ਮਾਨਸਿਕ ਤਸੀਹੇ ਝੱਲਣੇ ਪੈ ਰਹੇ ਹਨ। ਮਾਮਲੇ ਦੀ ਸੁਣਵਾਈ 17 ਮਈ ਨੂੰ ਹੋਵੇਗੀ।

Leave a Reply

Your email address will not be published.