ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਪੂਜਾ ਭੱਟ ਮਸ਼ਹੂਰ ਨਿਰਮਾਤਾ-ਨਿਰਦੇਸ਼ਕ ਮਹੇਸ਼ ਭੱਟ ਦੀ ਬੇਟੀ ਹੈ।
ਉਹ ਮਹੇਸ਼ ਭੱਟ ਦੀ ਪਹਿਲੀ ਪਤਨੀ ਕਿਰਨ ਭੱਟ ਦੀ ਬੇਟੀ ਹੈ। ਘਰ ‘ਚ ਫਿਲਮਾਂ ਦਾ ਮਾਹੌਲ ਹੋਣ ਕਾਰਨ ਪੂਜਾ ਭੱਟ ਦੀ ਬਚਪਨ ਤੋਂ ਹੀ ਐਕਟਿੰਗ ‘ਚ ਰੁਚੀ ਸੀ। ਇਸ ਕਾਰਨ ਉਨ੍ਹਾਂ ਨੇ ਸਿਰਫ 17 ਸਾਲ ਦੀ ਉਮਰ ‘ਚ ਬਾਲੀਵੁੱਡ ‘ਚ ਕਦਮ ਰੱਖਿਆ ਸੀ।
ਪੂਜਾ ਭੱਟ ਨੇ ਆਪਣੇ ਅਦਾਕਾਰੀ ਦੀ ਸ਼ੁਰੂਆਤ 1989 ‘ਚ ਪਿਤਾ ਮਹੇਸ਼ ਭੱਟ ਦੁਆਰਾ ਨਿਰਦੇਸ਼ਿਤ ਫਿਲਮ ਡੈਡੀ ਨਾਲ ਕੀਤੀ ਸੀ। ਫਿਲਮ ਨੂੰ ਦਰਸ਼ਕਾਂ ਦਾ ਕਾਫੀ ਪਿਆਰ ਮਿਲਿਆ ਹੈ। ਇਸ ਤੋਂ ਬਾਅਦ ਪੂਜਾ ਭੱਟ ਨੇ ਬਤੌਰ ਅਦਾਕਾਰਾ ਦਿਲ ਹੈ ਕੇ ਮਾਨਤਾ ਨਹੀਂ, ਸੜਕ, ਸਰ, ਹਮ ਦੋਨੋ ਤੇ ਚਾਹਤ ਵਰਗੀਆਂ ਕਈ ਸ਼ਾਨਦਾਰ ਫਿਲਮਾਂ ‘ਚ ਕੰਮ ਕੀਤਾ। ਉਨ੍ਹਾਂ ਦੀਆਂ ਇਨ੍ਹਾਂ ਸਾਰੀਆਂ ਫਿਲਮਾਂ ਨੂੰ ਦਰਸ਼ਕਾਂ ਦਾ ਭਰਪੂਰ ਪਿਆਰ ਮਿਲਿਆ। ਪੂਜਾ ਭੱਟ 90 ਦੇ ਦਹਾਕੇ ਦੀ ਮਸ਼ਹੂਰ ਅਦਾਕਾਰਾ ਬਣ ਚੁੱਕੀ ਸੀ।
ਲੰਬੇ ਸਮੇਂ ਤਕ ਐਕਟਿੰਗ ਕਰਨ ਤੋਂ ਬਾਅਦ ਪੂਜਾ ਭੱਟ ਨੇ ਨਿਰਦੇਸ਼ਕ ਦੇ ਤੌਰ ‘ਤੇ ਵੀ ਫਿਲਮਾਂ ‘ਚ ਹੱਥ ਅਜ਼ਮਾਇਆ। ਉਸ ਨੇ ਸਾਲ 2004 ‘ਚ ਫਿਲਮ ਪੈਪ ਨਾਲ ਇੱਕ ਨਿਰਦੇਸ਼ਕ ਦੇ ਰੂਪ ‘ਚ ਆਪਣਾ ਬਾਲੀਵੁੱਡ ਡੈਬਿਊ ਕੀਤਾ। ਇਸ ਤੋਂ ਬਾਅਦ ਪੂਜਾ ਭੱਟ ਨੇ ਹਾਲੀਡੇ, ਧੋਖਾ, ਕਜ਼ਰਾਰੇ ਤੇ ਜਿਸਮ 2 ਵਰਗੀਆਂ ਫਿਲਮਾਂ ਦਾ ਨਿਰਦੇਸ਼ਨ ਕੀਤਾ। ਫਿਲਮਾਂ ਤੋਂ ਇਲਾਵਾ ਪੂਜਾ ਭੱਟ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਵੀ ਸੁਰਖ਼ੀਆਂ ‘ਚ ਰਹਿੰਦੀ ਹੈ। ਇੱਕ ਸਮਾਂ ਸੀ ਜਦੋਂ ਉਹ ਆਪਣੀ ਮਤਰੇਈ ਮਾਂ ਸੋਨੀ ਰਾਜ਼ਦਾਨ ਨੂੰ ਬਿਲਕੁਲ ਵੀ ਪਸੰਦ ਨਹੀਂ ਕਰਦੀ ਸੀ।
ਇਸ ਗੱਲ ਦਾ ਖੁਲਾਸਾ ਖ਼ੁਦ ਪੂਜਾ ਭੱਟ ਨੇ ਆਪਣੇ ਇਕ ਇੰਟਰਵਿਊ ‘ਚ ਕੀਤਾ ਹੈ। ਜਿਸ ਦਿਨ ਉਸ ਨੂੰ ਪਿਤਾ ਮਹੇਸ਼ ਭੱਟ ਦੇ ਸੋਨੀ ਰਾਜ਼ਦਾਨ ਨਾਲ ਰਿਸ਼ਤੇ ਬਾਰੇ ਪਤਾ ਲੱਗਾ, ਉਸ ਦਿਨ ਬਾਰੇ ਗੱਲ ਕਰਦੇ ਹੋਏ, ਪੂਜਾ ਨੇ ਇਕ ਮੈਗਜ਼ੀਨ ਨੂੰ ਕਿਹਾ, “ਉਸ (ਮਹੇਸ਼ ਭੱਟ) ਨੇ ਕਦੇ ਵੀ ਮੇਰੇ ਤੋਂ ਕੁਝ ਨਹੀਂ ਛੁਪਾਇਆ। ਇੱਕ ਵਾਰ ਜਦੋਂ ਮੈਂ ਡੂੰਘੀ ਨੀਂਦ ‘ਚ ਸੀ ਤੇ ਸਵੇਰੇ 1:30 ਵਜੇ ਦੇ ਕਰੀਬ ਉਸ ਨੇ ਮੈਨੂੰ ਜਗਾਇਆ ਤੇ ਕਿਹਾ ਕਿ ਪੂਜਾ ਮੈਂ ਕਿਸੇ ਹੋਰ ਔਰਤ ਨੂੰ ਦੇਖਦਾ ਰਹਿੰਦਾ ਹਾਂ। ਮੇਰਾ ਉਸ ਨਾਲ ਅਫੇਅਰ ਚੱਲ ਰਿਹਾ ਹੈ ਤੇ ਮੈਂ ਚਾਹੁੰਦਾ ਹਾਂ ਕਿ ਤੁਸੀਂ ਪਹਿਲਾਂ ਜਾਣ ਲਵੋ। ਇਹ ਮੇਰੀ ਮਾਂ ਦੇ ਜਾਣ ਤੋਂ ਪਹਿਲਾਂ ਦੀ ਗੱਲ ਸੀ। ਇਸ ਲਈ ਇਹ ਦਰਸਾਉਂਦਾ ਹੈ ਕਿ ਉਹ ਮੇਰੇ ਨਾਲ ਕਿੰਨਾ ਖੁੱਲ੍ਹ ਦਿਲ ਤੇ ਇਮਾਨਦਾਰ ਸੀ।