ਪਤਨੀ ਦੀ ਕਰਤੂਤ ਦੇਖ ਹੈਰਾਨ ਹੋਈ ਪੁਲਿਸ, ਪਤੀ ਦਾ ਕਤਲ ਕਰ ਕੇ ਕਮਰੇ ‘ਚ ਦੱਬੀ ਲਾਸ਼

ਸ਼ਾਹਜਹਾਂਪੁਰ : ਸ਼ਾਹਜਹਾਂਪੁਰ ਦੇ ਗੜ੍ਹੀਆ ਰੰਗੀਆ ਇਲਾਕੇ ਵਿੱਚ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇਲਾਕੇ ਦੀ ਰਹਿਣ ਵਾਲੀ ਇੱਕ ਔਰਤ ਨੇ ਝਗੜੇ ਤੋਂ ਬਾਅਦ ਆਪਣੇ ਪਤੀ ਦਾ ਕਤਲ ਕਰ ਦਿੱਤਾ। ਇਸ ਤੋਂ ਬਾਅਦ ਕਮਰੇ ‘ਚ ਟੋਆ ਪੁੱਟ ਕੇ ਪਤੀ ਦੀ ਲਾਸ਼ ਨੂੰ ਦੱਬ ਦਿੱਤਾ। ਜਦੋਂ ਪਤੀ ਦਾ ਭਰਾ ਘਰ ਪਹੁੰਚਿਆ ਤਾਂ ਕਮਰੇ ਵਿੱਚੋਂ ਬਦਬੂ ਆ ਰਹੀ ਸੀ। ਜਿਸ ‘ਤੇ ਉਸ ਨੇ ਪੁਲਸ ਨੂੰ ਬੁਲਾਇਆ। ਪੁਲਿਸ ਨੇ ਕਮਰਾ ਖੋਲ੍ਹ ਕੇ ਲਾਸ਼ ਨੂੰ ਟੋਏ ਵਿੱਚੋਂ ਬਾਹਰ ਕੱਢਿਆ। ਐੱਸਪੀ ਨੇ ਮੌਕੇ ‘ਤੇ ਪਹੁੰਚ ਕੇ ਮਹਿਲਾ ਤੋਂ ਪੁੱਛਗਿੱਛ ਕੀਤੀ, ਜਿਸ ਤੋਂ ਬਾਅਦ ਜਲਦ ਹੀ ਮਾਮਲੇ ਦਾ ਪਰਦਾਫ਼ਾਸ਼ ਹੋਣ ਦੀ ਉਮੀਦ ਹੈ। ਗਡੀਆ ਰੰਗੀਆ ਥਾਣਾ ਖੇਤਰ ਦੇ ਖਮਾਰੀਆ ਪਿੰਡ ਦਾ ਰਹਿਣ ਵਾਲਾ ਗੋਵਿੰਦ ਕੁਮਾਰ ਪਤਨੀ ਸ਼ਿਲਪੀ ਅਤੇ ਦੋ ਬੱਚਿਆਂ ਨਾਲ ਘਰ ‘ਚ ਰਹਿੰਦਾ ਸੀ। ਉਸਦਾ ਵੱਡਾ ਭਰਾ ਧਰਮਿੰਦਰ ਕੁਮਾਰ ਫੌਜ ਵਿੱਚ ਹੈ। ਜਦਕਿ ਦੂਜਾ ਭਰਾ ਗੁਰਵਿੰਦਰ ਸ਼ਾਹਜਹਾਨਪੁਰ ਵਿੱਚ ਆਪਣੇ ਸਹੁਰੇ ਘਰ ਰਹਿੰਦਾ ਹੈ। ਬੁੱਧਵਾਰ ਰਾਤ ਨੂੰ ਜਦੋਂ ਗੁਰਵਿੰਦਰ ਘਰ ਪਹੁੰਚਿਆ ਤਾਂ ਉਸ ਨੇ ਗੋਵਿੰਦ ਦਾ ਹਾਲ-ਚਾਲ ਪੁੱਛਿਆ। ਸ਼ਿਲਪੀ ਨੇ ਉਨ੍ਹਾਂ ਨੂੰ ਕਮਰੇ ‘ਚੋਂ ਬਾਹਰ ਜਾਣ ਲਈ ਕਿਹਾ। ਕੁਝ ਦੇਰ ਬਾਅਦ ਬੰਦ ਕਮਰੇ ਵਿੱਚੋਂ ਬਦਬੂ ਆਉਣ ਲੱਗੀ ਤਾਂ ਉਸ ਨੇ ਕਮਰਾ ਖੋਲ੍ਹਣ ਲਈ ਕਿਹਾ। ਸ਼ਿਲਪੀ ਨੇ ਕਿਹਾ ਕਿ ਚੂਹੇ ਦੇ ਮਰਨ ਕਾਰਨ ਬਦਬੂ ਆਉਂਦੀ ਹੈ। ਗੁਰਵਿੰਦਰ ਨੇ ਵੀਰਵਾਰ ਸਵੇਰੇ ਇਸ ਅਣਸੁਖਾਵੀਂ ਘਟਨਾ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ। ਜਿਸ ਤੋਂ ਬਾਅਦ ਐੱਸਓ ਸੁੰਦਰ ਸਿੰਘ ਵਰਮਾ ਪਿੰਡ ਖਮਾਰੀਆ ਪਹੁੰਚੇ ਤਾਂ ਉਨ੍ਹਾਂ ਕਮਰਾ ਖੋਲ੍ਹ ਕੇ ਟੋਆ ਪੁੱਟਿਆ ਤਾਂ ਗੋਵਿੰਦ ਦੀ ਲਾਸ਼ ਉਸ ਵਿੱਚ ਦੱਬੀ ਹੋਈ ਸੀ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਐੱਸਪੀ ਐੱਸ ਆਨੰਦ ਵੀ ਮੌਕੇ ‘ਤੇ ਪਹੁੰਚ ਗਏ ਅਤੇ ਔਰਤ ਤੋਂ ਪੁੱਛਗਿੱਛ ਕੀਤੀ। ਮਹਿਲਾ ਨੇ ਐੱਸਪੀ (ਸ਼ਾਹਜਹਾਂਪੁਰ ਐੱਸਪੀ ਐੱਸ ਆਨੰਦ) ਨੂੰ ਦੱਸਿਆ ਕਿ  ਗੋਵਿੰਦ ਨੇ ਉਸ ਨਾਲ ਕੁੱਟਮਾਰ ਕੀਤੀ ਸੀ। ਇਸ ਤੋਂ ਬਾਅਦ ਗੋਵਿੰਦ ਨੇ ਕਮਰੇ ‘ਚ ਰੱਸੀ ਨਾਲ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ। ਕਾਰਵਾਈ ਤੋਂ ਬਚਣ ਲਈ ਉਸ ਨੇ ਲਾਸ਼ ਨੂੰ ਟੋਏ ਵਿੱਚ ਦੱਬ ਦਿੱਤਾ ਸੀ। ਹਾਲਾਂਕਿ ਉਹ ਝਗੜੇ ਦਾ ਕਾਰਨ ਨਹੀਂ ਦੱਸ ਸਕੀ। ਜਦਕਿ ਗੁਰਵਿੰਦਰ ਨੇ ਸ਼ਿਲਪੀ ‘ਤੇ ਆਪਣੇ ਭਰਾ ਦਾ ਕਤਲ ਕਰਕੇ ਲਾਸ਼ ਨੂੰ ਦਫ਼ਨਾਉਣ ਦਾ ਦੋਸ਼ ਲਗਾਇਆ ਹੈ। ਐੱਸਪੀ ਨੇ ਦੱਸਿਆ ਕਿ ਔਰਤ ਤੋਂ ਪੁੱਛਗਿੱਛ ਜਾਰੀ ਹੈ, ਜਲਦੀ ਹੀ ਉਸ ਦਾ ਪਰਦਾਫਾਸ਼ ਕਰ ਦਿੱਤਾ ਜਾਵੇਗਾ।

Leave a Reply

Your email address will not be published.