ਟਰੂਡੋ ਦਾ ਐਲਾਨ, ਕੈਨੇਡੀਅਨ ਫ਼ੌਜਾਂ ਅਫਗਾਨਿਸਤਾਨ ਲਈ ਮੁੜ ਭਰਣਗੀਆਂ ਉਡਾਣ

Home » Blog » ਟਰੂਡੋ ਦਾ ਐਲਾਨ, ਕੈਨੇਡੀਅਨ ਫ਼ੌਜਾਂ ਅਫਗਾਨਿਸਤਾਨ ਲਈ ਮੁੜ ਭਰਣਗੀਆਂ ਉਡਾਣ
ਟਰੂਡੋ ਦਾ ਐਲਾਨ, ਕੈਨੇਡੀਅਨ ਫ਼ੌਜਾਂ ਅਫਗਾਨਿਸਤਾਨ ਲਈ ਮੁੜ ਭਰਣਗੀਆਂ ਉਡਾਣ

ਓਟਾਵਾ (ਏਜੰਸੀ): ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਐਲਾਨ ਕੀਤਾ ਕਿ ਕੈਨੇਡੀਅਨ ਆਰਮਡ ਫੋਰਸਿਜ਼ (ਸੀਏਐਫ) ਨੇ ਅਫਗਾਨਿਸਤਾਨ ਲਈ ਉਡਾਣਾਂ ਦੁਬਾਰਾ ਸ਼ੁਰੂ ਕਰ ਦਿੱਤੀਆਂ ਹਨ।

ਸਮਾਚਾਰ ਏਜੰਸੀ ਸ਼ਿਨਹੂਆ ਦੀ ਰਿਪੋਰਟ ਮੁਤਾਬਕ, ਵੀਰਵਾਰ ਨੂੰ ਇੱਕ ਬਿਆਨ ਵਿਚ ਟਰੂਡੋ ਨੇ ਕਿਹਾ ਕਿ ਸੀਏਐਫ ਦੀ ਸੰਪਤੀ ਅਤੇ ਕਰਮਚਾਰੀ ਅਮਰੀਕਾ ਅਤੇ ਹੋਰ ਸਹਿਯੋਗੀ ਭਾਈਵਾਲਾਂ ਦੇ ਨਾਲ ਰਣਨੀਤਕ ਪੱਧਰ ‘ਤੇ ਤਾਲਮੇਲ ਕਰਨ ਲਈ ਅਫਗਾਨਿਸਤਾਨ ਵਿੱਚ ਪਹੁੰਚ ਚੁੱਕੇ ਹਨ, ਜਿਸ ਨਾਲ “ਕੈਨੇਡੀਅਨਾਂ, ਅਫਗਾਨੀਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਸੁਰੱਖਿਆ ਮਿਲ ਸਕੇਗੀ।’’ ਟਰੂਡੋ ਨੇ ਕਿਹਾ ਕਿ ਦੋ ਛੳਾਂ ਛਛ-177 ਜਹਾਜ਼ ਨਿਕਾਸੀ ਦੇ ਯਤਨਾਂ ਨੂੰ ਸਮਰਥਨ ਦੇਣ ਲਈ ਕਾਬੁਲ ਵਿੱਚ ਨਿਯਮਿਤ ਉਡਾਣਾਂ ਭਰਨਗੇ।ਉਹਨਾਂ ਨੇ ਕਿਹਾ,’’ਸਾਡੀ ਸਰਕਾਰ ਉਹਨਾਂ ਅਫਗਾਨਾਂ ਦੀ ਮਦਦ ਕਰਨ ਲਈ ਵਚਨਬੱਧ ਹੈ ਜਿਹਨਾਂ ਨੇ ਕੈਨੇਡਾ ਦੀ ਮਦਦ ਕੀਤੀ। ਉਹਨਾਂ ਨੇ ਕਿਹਾ,’’ਹੁਣ ਜ਼ਮੀਨੀ ਪੱਧਰ ’ਤੇ ਕਰਮਚਾਰੀ ਹਨ ਅਤੇ ਪ੍ਰਕਿਰਿਆ ਵਿੱਚ ਸਹਾਇਤਾ ਲਈ ਸਾਡੇ ਕੋਲ ਅੱਜ ਬਾਅਦ ਵਿੱਚ ਹੋਰ ਕਰਮਚਾਰੀ ਪਹੁੰਚਣਗੇ। ਸੀਟੀਵੀ ਨਿਊਜ਼ ਦੀ ਰਿਪੋਰਟ ਅਨੁਸਾਰ, ਉਨ੍ਹਾਂ ਅਫਗਾਨਾਂ ਵਿੱਚ ਸਾਬਕਾ ਦੁਭਾਸ਼ੀਏ ਅਤੇ ਸਹਾਇਕ ਸਟਾਫ ਦੇ ਨਾਲ-ਨਾਲ ਉਨ੍ਹਾਂ ਦੇ ਪਰਿਵਾਰ ਵੀ ਸ਼ਾਮਲ ਹਨ ਜੋ ਹੁਣ ਤਾਲਿਬਾਨ ਦੀ ਗ੍ਰਿਫ਼ਤਾਰੀ ਜਾਂ ਕੈਨੇਡੀਅਨ ਫ਼ੌਜ ਅਤੇ ਹੋਰ ਸੰਗਠਨਾਂ ਦੇ ਨਾਲ ਕੰਮ ਕਰਨ ਕਰਕੇ ਖਤਰੇ ਵਿੱਚ ਹਨ।

ਰੱਖਿਆ ਵਿਭਾਗ ਦੀ ਬੁਲਾਰਨ ਜੈਸਿਕਾ ਲਾਮਿਰਾਂਡੇ ਨੇ ਵੀਰਵਾਰ ਨੂੰ ਕਿਹਾ ਕਿ ਸੀ-17 ਨੂੰ ਉਨ੍ਹਾਂ ਯਾਤਰੀਆਂ ਦੀ ਵੱਧ ਤੋਂ ਵੱਧ ਸੰਖਿਆ ਲਈ ਪੁਨਰਗਠਿਤ ਕੀਤਾ ਗਿਆ ਹੈ ਜਿਨ੍ਹਾਂ ਨੂੰ ਉਹ ਲਿਜਾ ਸਕਦੇ ਹਨ ਅਤੇ ਉਨ੍ਹਾਂ ਨੇ ਕਾਬੁਲ ਦੇ ਅੰਦਰ ਅਤੇ ਬਾਹਰ ਉਡਾਣ ਭਰਨੀ ਸ਼ੁਰੂ ਕਰ ਦਿੱਤੀ ਹੈ। ਲਾਮਿਰਾਂਡੇ ਨੇ ਅੱਗੇ ਕਿਹਾ,“ਸਾਡੀ ਸੀਏਐਫ ਟੀਮਾਂ ਨੂੰ ਜਾਂਚ ਅਤੇ ਕਮਜ਼ੋਰ ਵਿਅਕਤੀਆਂ ਦੀ ਸੂਚੀ ਦਿੱਤੀ ਜਾਵੇਗੀ ਅਤੇ ਉਡਾਣਾਂ ਵਿੱਚ ਉਨ੍ਹਾਂ ਵਿਅਕਤੀਆਂ ਦੀ ਸਹਾਇਤਾ ਕੀਤੀ ਜਾਵੇਗੀ।” ਇਨ੍ਹਾਂ ਉਡਾਣਾਂ ਵਿੱਚ ਵਿਦੇਸ਼ੀ ਅਤੇ ਅਫਗਾਨ ਨਾਗਰਿਕ ਹੋਣ ਦੀ ਉਮੀਦ ਕੀਤੀ ਜਾ ਸਕਦੀ ਹੈ ਜਿਨ੍ਹਾਂ ਨੂੰ ਦੂਜੇ ਦੇਸ਼ਾਂ ਦੇ ਇਮੀਗ੍ਰੇਸ਼ਨ ਪ੍ਰੋਗਰਾਮਾਂ ਦੇ ਅਧੀਨ ਸਵੀਕਾਰ ਕੀਤਾ ਗਿਆ ਹੈ। ਰੱਖਿਆ ਮੰਤਰੀ ਹਰਜੀਤ ਸੱਜਣ ਨੇ ਬੁੱਧਵਾਰ ਰਾਤ ਨੂੰ ਇੱਕ ਟਵੀਟ ਵਿੱਚ ਕਿਹਾ,”ਹਾਮਿਦ ਕਰਜ਼ਈ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਕੈਨੇਡੀਅਨ ਆਰਮਡ ਫੋਰਸਿਜ਼ ਦੀਆਂ ਉਡਾਣਾਂ ਛੇਤੀ ਹੀ ਆਪਰੇਸ਼ਨ ੳੳਘੀੰ ਦੇ ਅਧੀਨ ਮੁੜ ਸ਼ੁਰੂ ਹੋਣਗੀਆਂ।” ਆਪਰੇਸ਼ਨ ‘ਏਜਿਸ’ ਫ਼ੌਜ ਲਈ ਅਫਗਾਨਿਸਤਾਨ ਵਿੱਚ ਨਿਕਾਸੀ ਦੇ ਯਤਨਾਂ ਵਿੱਚ ਸਹਾਇਤਾ ਲਈ ਤਿਆਰ ਕੀਤਾ ਗਿਆ ਹੈ।

Leave a Reply

Your email address will not be published.