ਦੁਨੀਆਂ ‘ਚ ਕਈ ਅਜਿਹੀਆਂ ਇਮਾਰਤਾਂ ਹਨ ਜੋ ਆਪਣੀ ਬਣਤਰ ਜਾਂ ਇਮਾਰਤਾਂ ਦੀ ਕਿਸੇ ਖਾਸ ਵਿਸ਼ੇਸ਼ਤਾ ਕਾਰਨ ਚਰਚਾ ‘ਚ ਰਹਿੰਦੀਆਂ ਹਨ।
ਚਾਹੇ ਉਹ ਭਾਰਤ ਦਾ ਤਾਜ ਮਹਿਲ ਹੋਵੇ ਜਾਂ ਚੀਨ ਦੀ ਮਹਾਨ ਕੰਧ। ਇਨ੍ਹਾਂ ਇਮਾਰਤਾਂ ਨੇ ਦੁਨੀਆਂ ਵਿਚ ਕਾਫੀ ਪ੍ਰਸਿੱਧੀ ਹਾਸਲ ਕੀਤੀ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਰੋਮਾਨੀਆ ਦੇ ਸੰਸਦ ਭਵਨ ਨੂੰ ਵੀ ਇਕ ਖਾਸ ਫੀਚਰ ਨਾਲ ਬਣਾਇਆ ਗਿਆ ਹੈ। ਜੀ ਹਾਂ, ਇਸ ਦੇਸ਼ ਦਾ ਸੰਸਦ ਭਵਨ ਚੰਦਰਮਾ ਤੋਂ ਦਿਖਾਈ ਦਿੰਦਾ ਹੈ (ਪਾਰਲੀਮੈਂਟ ਸੀਨ ਫਰੌਮ ਸਪੇਸ)। ਇਹ ਇੰਨਾ ਵੱਡਾ ਹੈ ਕਿ ਚੰਦਰਮਾ ‘ਤੇ ਗਏ ਪੁਲਾੜ ਯਾਤਰੀ ਵੀ ਇਸ ਇਮਾਰਤ ਨੂੰ ਦੇਖ ਸਕਦੇ ਹਨ।
ਰੋਮਾਨੀਆ ਵਿੱਚ ਬਣੀ ਇਸ ਸੰਸਦ ਦੀ ਇਮਾਰਤ ਨੂੰ ਇਨਸਾਨਾਂ ਦੁਆਰਾ ਬਣਾਈਆਂ ਗਈਆਂ ਇਮਾਰਤਾਂ ਦਾ ਪਿਤਾਮਾ ਕਿਹਾ ਜਾਂਦਾ ਹੈ। ਇਹ ਇੰਨਾ ਵੱਡਾ ਹੈ ਕਿ ਇਸ ਨੂੰ ਚੰਦਰਮਾ ਤੋਂ ਵੀ ਦੇਖਿਆ ਜਾ ਸਕਦਾ ਹੈ। ਰੋਮਾਨੀਆ ਦੀ ਰਾਜਧਾਨੀ ਬੁਖਾਰੇਸਟ ਵਿੱਚ ਇਸ ਸੰਸਦ ਭਵਨ ਦੇ ਨਿਰਮਾਣ ਵਿੱਚ 20 ਲੱਖ ਮਜ਼ਦੂਰ ਲੱਗੇ ਸਨ। ਇਸ ਨੂੰ ਬਣਾਉਣ ਵਿੱਚ ਕਰੀਬ ਤਿੰਨ ਖਰਬ ਰੁਪਏ ਲੱਗੇ ਅਤੇ ਜਦੋਂ ਇਹ ਬਣਾਇਆ ਗਿਆ ਤਾਂ ਇੱਥੇ ਤਾਨਾਸ਼ਾਹ ਦਾ ਰਾਜ ਖ਼ਤਮ ਹੋ ਗਿਆ ਸੀ। ਇਸ ਦਾ ਕਾਰਨ ਇਹ ਸੀ ਕਿ ਤਾਨਾਸ਼ਾਹ ਨੇ ਆਪਣੇ ਦੇਸ਼ ਦੇ ਭੁੱਖੇ ਲੋਕਾਂ ਨੂੰ ਭੋਜਨ ਦੇਣ ਦੀ ਬਜਾਏ ਸੰਸਦ ਦੀ ਇਮਾਰਤ ਬਣਾਉਣ ਵਿੱਚ ਪੈਸਾ ਬਰਬਾਦ ਕੀਤਾ।
ਇਹ ਰੋਮਾਨੀਆ ਦੇ ਆਖ਼ਰੀ ਤਾਨਾਸ਼ਾਹ ਨਿਕੋਲੇ ਕਉਸੇਸਕੂ ਦੁਆਰਾ ਬਣਾਇਆ ਗਿਆ ਸੀ। ਭੁੱਖਮਰੀ ਨਾਲ ਜੂਝ ਰਹੇ ਆਪਣੇ ਲੋਕਾਂ ਨੂੰ ਭੋਜਨ ਦੇਣ ਦੀ ਬਜਾਏ, ਉਸਨੇ ਇਸ ਵਿਸ਼ਾਲ ਸੰਸਦ ਭਵਨ ਨੂੰ ਬਣਾਉਣ ਲਈ ਤਿੰਨ ਖਰਬ ਰੁਪਏ ਖਰਚ ਕੀਤੇ। ਇਸ ਤੋਂ ਬਾਅਦ, ਦੇਸ਼ ਵਿੱਚ ਰੋਮਾਨੀਆ ਦੀ ਕ੍ਰਾਂਤੀ ਹੋਈ, ਜਿਸ ਵਿੱਚ ਤਾਨਾਸ਼ਾਹ ਅਤੇ ਉਸਦੀ ਪਤਨੀ ਨੂੰ ਗੋਲੀ ਮਾਰ ਦਿੱਤੀ ਗਈ। ਇਸ ਸੰਸਦ ਭਵਨ ਨੂੰ ਬਣਾਉਣ ਵਿੱਚ 13 ਸਾਲ ਦਾ ਸਮਾਂ ਲੱਗਾ। ਇਹ 1997 ਵਿੱਚ ਪੂਰਾ ਹੋਇਆ ਸੀ। ਇਸ ਦੀਆਂ ਕੰਧਾਂ 8 ਮੀਟਰ ਉੱਚੀਆਂ ਹਨ ਅਤੇ ਇਹ 3 ਲੱਖ 65 ਹਜ਼ਾਰ ਵਰਗ ਮੀਟਰ ਵਿੱਚ ਫੈਲਿਆ ਹੋਇਆ ਹੈ। ਇਸ ਇਮਾਰਤ ਦੇ ਅੰਦਰ 23 ਵੱਖ-ਵੱਖ ਹਿੱਸੇ ਹਨ ਅਤੇ ਇਸ ਵਿੱਚ ਲਗਭਗ ਇੱਕ ਹਜ਼ਾਰ ਸ਼ਾਨਦਾਰ ਨੱਕਾਸ਼ੀ ਵਾਲੇ ਕਮਰੇ ਹਨ। ਜਿਨ੍ਹਾਂ ਵਿੱਚੋਂ 70 ਫੀਸਦੀ ਕਮਰੇ ਖਾਲੀ ਪਏ ਹਨ। ਇਸ ਇਮਾਰਤ ਦਾ ਬਿਜਲੀ ਬਿੱਲ ਇੱਕ ਸਾਲ ਵਿੱਚ 4.5 ਕਰੋੜ ਰੁਪਏ ਆਉਂਦਾ ਹੈ ਜੋ ਕਿ ਇੱਕ ਛੋਟੇ ਸ਼ਹਿਰ ਦੇ ਬਰਾਬਰ ਹੈ।